၂၀၂၂မန္တလေးမဟာသင်္ကြန်ပွဲတော်ကြိုတင်အစမ်းလေ့ကျင့်

၂၀၂၂ ခုနှစ် မန္တလေးမြို့ မြန်မာ့ရိုးရာယဉ်ကျေးမှု မဟာသင်္ကြန်ပွဲတော် ဖွင့်ပွဲအခမ်းအနားအတွက် ကြိုတင်အစမ်းလေ့ကျင့်

၂၀၂၂ ခုနှစ် မန္တလေးမြို့ မြန်မာ့ရိုးရာယဉ်ကျေးမှု မဟာသင်္ကြန်ပွဲတော် ဖွင့်ပွဲအခမ်းအနားအတွက် ကြိုတင်အစမ်းလေ့ကျင့်မှုကို ဧပြီလ ၁၁ ရက်နေ့က မန္တလေးမြို့စည်ပင်သာယာရေးကော်မတီရုံး ရှေ့ရှိ ဗဟိုမဏ္ဍာပ်တွင် ပြုလုပ်ကြောင်း သိရသည်။

၂၀၂၂ ခုနှစ် မြန်မာ့ရိုးရာ ယဉ်ကျေးမှုမဟာသင်္ကြန်ပွဲတော်တွင် ရေကစားမဏ္ဍပ်များနှင့် စတုဒီသာမဏ္ဍပ်များ၊ ဆွမ်းလောင်းပွဲ၊သက်ကြီးပူဇော်ပွဲနှင့် ငါးလွှတ်ပွဲများဖြင့် မန္တလေးမြို့တွင် ရိုးရာမပျက် စည်ကားသိုက်မြိုက်စွာ ကျင်းပရန် မန္တလေးတိုင်းဒေသကြီးအစိုးရအဖွဲ့မှ စီစဉ်ထားကြောင်းသိရသည်။

ဧပြီ ၆ ရက်နေ့ထိ စာရင်းများအရ ဗဟိုမဏ္ဍပ်တစ်ခုနင့် ဌာနဆိုင်ရာမဏ္ဍပ် ၁၃ ခုရှိမည်ဖြစ်ပြီး မဏ္ဍပ်တိုင်းတွင် စတုဒီသာ ကျွေးမွေးခြင်းအစီအစဉ်များ ပါဝင်မည်ဖြစ်သည်။

အစီအစဉ်အရ နှစ်ဆန်းတစ်ရက်နေ့ နံနက်အာရုံတက်တွင် သံဃာတော် များကို ဆွမ်းလောင်းလှူခြင်းအပြင် သက်ကြီးပူဇော်ပွဲနှင့် ဇီဝတဒါနငါးလွှတ်ပွဲများကို ရိုးရာမပျက် ပြုလုပ်မည်ဖြစ်ကြောင်း သိရသည်။

ရွှေနွယ်ကြိုး

Original works by baobo@PaukPhaw Network: http://www.paukphaw.org/2022/04/14/7ed3415914/