အသက်မပြည့်သေးသည့်မိန်းကလေးကို တရုတ်နိုင်ငံသားက သံရုံး၊ တရားရုံး၏ ခွင့်ပြုချက်မရှိဘဲ သားမယားအဖြစ် ပေါင်းသင်းနေထိုင်သဖြင့် လူကုန်ကူးမှုဖြင့် ထောင်ဒဏ်သုံးနှစ်ချမှတ်
အသက်မပြည့်သေးသည့် မိန်းကလေးကို တရုတ်နိုင်ငံသားက သံရုံး၊ တရားရုံး၏ခွင့်ပြုချက်မရှိဘဲ သားမယားအဖြစ် ပေါင်းသင်းနေထိုင်သဖြင့် လူကုန်ကူးမှုဖြင့် အလုပ်နှင့်ထောင်ဒဏ်သုံးနှစ် အမိန့်ချမှတ်ခဲ့ကြောင်း မြန်မာနိုင်ငံရဲတပ်ဖွဲ့မှ သိရသည်။
အလားတူ လက်ထပ်ထိမ်းမြားရန် ပြောဆိုစည်းရုံးပေးသူ အမျိုးသမီးကိုလည်း လူကုန်ကူးမှု တားဆီးကာကွယ်ရေးဥပဒေ ပုဒ်မ ၂၆/ ၃၂ အရ အလုပ်နှင့် ထောင်ဒဏ်သုံးနှစ် ချမှတ်ခဲ့သည်ဟုသိရသည်။
ရန်ကုန်တိုင်းဒေသကြီး လှိုင်သာယာမြို့နယ် အလယ်ရွာနေ မလှလှနွယ်(ခ) မမာယာနွယ်က ဧရာဝတီတိုင်းဒေသကြီး ဖျာပုံခရိုင်နေ မ …(၁၇) နှစ် ကို ၎င်းအလုပ်ရှင်ဖြစ်သည့် တရုတ်နိုင်ငံသား Yangxiaq Ming (ခ) ရောင်မြင့်က ချစ်ကြိုက်နေကြောင်း၊ ပေါင်းသင်းပါက ငွေကျပ် သိန်း ၁၅၀ ရမည်ဟု ပြောဆိုစည်းရုံး၍ တရုတ်နိုင်ငံသား Yangxiaq Ming (ခ) ရောင်မြင့်က သံရုံး၊ တရားရုံးတို့၏ ခွင့်ပြုချက်မရှိဘဲ သားမယားအဖြစ် ပေါင်းသင်းနေထိုင်ခဲ့သဖြင့် လှိုင်သာယာမြို့မရဲစခန်း (ပ) ၂၄၂၆/ ၂၀၁၉၊ လူကုန်ကူးမှုတားဆီးကာကွယ်ရေးဥပဒေပုဒ်မ ၂၄/ ၃၂ ဖြင့် အမှုရေးဖွင့်၍ မြောက်ပိုင်း ခရိုင်တရားရုံးသို့ တရားစွဲတင်ပို့ခဲ့ရာ တရုတ်နိုင်ငံသား Yangxiaq Ming(ခ) ရောင်မြင့်နှင့် မလှလှနွယ် (ခ)မာယာနွယ်တို့ကို မေ ၃ ရက်တွင် လူကုန်ကူးမှုတားဆီးကာကွယ်ရေးဥပဒေ ပုဒ်မ ၂၆/ ၃၂ အရ အလုပ်နှင့် ထောင်ဒဏ်သုံးနှစ်စီ ကျခံစေရန် အမိန့်ချမှတ်ခဲ့ကြောင်း သိရသည်။
ကောင်းကောင်း
Original works by baobo@PaukPhaw Network: http://www.paukphaw.org/2022/05/08/b9d2af10fb/