UMFCCI နှင့် အမှတ်(၂)တပ်မတော်ဆေးရုံ(ကုတင်-၅၀၀) သို့ ကိုဗစ်-၁၉ ရောဂါ ကာကွယ်၊ ထိန်းချုပ်ရေးသုံး ပစ္စည်းများ သွားရောက်လှူဒါန်း
မြန်မာ-တရုတ်ချစ်ကြည်ရေးအသင်း(ဗဟို)နှင့် တရုတ်ပြည်သူ့သမ္မတနိုင်ငံ China- Myanmar Economic Cooperation and Development Promotion Association တို့ပူးပေါင်း၍ ရန်ကုန်မြို့ရှိ မြန်မာနိုင်ငံကုန်သည်များနှင့် စက်မှုလက်မှု လုပ်ငန်းရှင်များ အသင်းချုပ်နှင့် အမှတ်(၂)တပ်မတော်ဆေးရုံ (ကုတင်-၅၀၀) သို့ မေလ ဒုတိယပတ်က ကိုဗစ်-၁၉ ရောဂါ ကာကွယ်၊ ထိန်းချုပ်ရေးသုံး ပစ္စည်းများ သွားရောက်လှူဒါန်းခဲ့ကြောင်း သိရသည်။
မေလ(၁၂)ရက်နေ့က မြန်မာ-တရုတ်ချစ်ကြည်ရေးအသင်း(ဗဟို) အတွင်းအရေးမှူး အဖွဲ့ နှင့် အလုပ်အမှုဆောင်များက ရန်ကုန်မြို့ အမှတ်(၂)တပ်မတော်ဆေးရုံ(ကုတင်-၅၀၀) သို့သွားရောက်ပြီး နှာခေါင်းစည်း Masks (၄၀၀၀၀)ခု၊ ကလိုရင်း ပိုးသတ်ဆေးရည် (၂၀)လီတာ (၅)ပုံး နှင့် လက်ဆေးရည်(၆၀)ဗူး၊ စုစုပေါင်းတန်ဖိုးငွေ ကျပ်သိန်း (၁၀၀)ခန့် တို့ကို လှူဒါန်းခဲ့ရာ ဆေးရုံတပ်မှူး ဗိုလ်မှူးကြီး ဇော်မျိုးဟန် နှင့် တာဝန်ရှိသူများမှ လက်ခံရယူ၍ ဂုဏ်ပြုမှတ်တမ်းလွှာ ပြန်လည် ပေးအပ်ခဲ့သည်။
မေလ(၁၁)ရက်နေ့ ညနေပိုင်းက ရန်ကုန်မြို့ မြန်မာနိုင်ငံကုန်သည်များနှင့် စက်မှုလက်မှု လုပ်ငန်းရှင်များ အသင်းချုပ်သို့ နှာခေါင်းစည်း Masks (၄၀၀၀၀)ခု၊ ကလိုရင်း ပိုးသတ်ဆေးရည် (၂၀)လီတာ (၅)ပုံး နှင့် လက်ဆေးရည်(၆၀)ဗူး၊ စုစုပေါင်းတန်ဖိုးငွေ ကျပ်သိန်း (၁၀၀)ခန့် တို့ကို လှူဒါန်းခဲ့ကြောင်း သိရသည်။
Original works by PaukPhaw@PaukPhaw Network: http://www.paukphaw.org/2022/05/19/umfcci%e1%80%94%e1%80%be%e1%80%84%e1%80%b7%e1%80%ba%e1%80%a1%e1%80%99%e1%80%be%e1%80%90%e1%80%ba%e1%81%82%e1%80%90%e1%80%95%e1%80%ba%e1%80%99%e1%80%90%e1%80%b1%e1%80%ac%e1%80%ba%e1%80%86%e1%80%b1/
WeChat PaukPhaw 
