- 2022-06-11 09:34:00
- fitc Myathukha
မြန်မာ-တရုတ်ချစ်ကြည်ရေးအသင်း(ဗဟို)မှ နားမကြားသောကလေးများကျောင်း(ရန်ကုန်)သို့ အဝတ်အစားနှင့်အစားအစာများလှူဒါန်း
လူမှုဝန်ထမ်းဦးစီးဌာန၊ နားမကြားသောကလေးများကျောင်း (ရန်ကုန်)၏ (၈)နှစ်မြောက် နှစ်ပတ်လည်နေ့ လှူဒါန်းပွဲအခမ်းအနားကို ဇွန်လ ၉ ရက်နေ့ နံနက်ပိုင်းက ကျင်းပပြုလုပ်ရာ မြန်မာ-တရုတ်ချစ်ကြည်ရေးအသင်း(ဗဟို)မှ အလုပ်အမှုဆောင် ဦးစိန်ညွန့် တက်ရောက်ခဲ့ပြီး အဝတ်အစားနှင့် အစားအစာများ လှူဒါန်းခဲ့ကြောင်း သိရသည်။
အခမ်းအနားတွင် ကျောင်းသား ကလေးများအတွက် တီရှပ်(၅၀)ထည်၊ ဘီစကစ်ထုပ်၊ အချိုရည်၊ အဆာပြေစားမုန့်ထုပ်များနှင့် လက်သင်္ကေတပြ ဆရာ (ကျောင်းသားဟောင်း) တစ်ဦးအတွက် ရှပ်အင်္ကျီ၊ ပိုးလုံချည်တို့ကို ဂုဏ်ပြုလက်ဆောင် ပေးအပ်လှူဒါန်းခဲ့ခြင်းဖြစ်သည်။
မြန်မာ-တရုတ်ချစ်ကြည်ရေးအသင်း(ဗဟို)သည် ကိုဗစ်-၁၉ ကပ်ရောဂါဘေးမတိုင်မီ နှစ်များကလည်း နားမကြားသောကလေးများကျောင်း(ရန်ကုန်)သို့ ကျောင်းဝတ်စုံများ၊ ဗလာစာအုပ်၊ ခဲတံ၊ သန့်ရှင်းရေးပစ္စည်းများ၊ အဝတ်အထည်များနှင့် နံနက်စာ/ နေ့လယ်စာ တို့ကို နှစ်စဉ်လှူဒါန်းခဲ့ကြောင်း သိရသည်။
မြသုခ
Original works by PaukPhaw@PaukPhaw Network: http://www.paukphaw.org/2022/06/11/%e1%80%94%e1%80%ac%e1%80%b8%e1%80%99%e1%80%80%e1%80%bc%e1%80%ac%e1%80%b8%e1%80%9e%e1%80%b1%e1%80%ac%e1%80%80%e1%80%9c%e1%80%b1%e1%80%b8%e1%80%99%e1%80%bb%e1%80%ac%e1%80%b8%e1%80%80%e1%80%bb%e1%80%b1/