မုံရွာမြို့နယ်ထွက် ပဲကြာဆံ ၇၀ ရာခိုင်နှုန်းခန့်သည် ရန်ကုန်စျေးကွက်သို့ စီးဆင်းလျက်ရှိ
မုံရွာမြို့နယ်ရှိ ကြာဆံစက်ရုံထွက် ပဲကြာဆံ ၇၀ ရာခိုင်နှုန်းခန့်သည် ရန်ကုန်စျေးကွက်သို့ စီးဆင်းနေကြောင်း ကြာဆံစက်ပိုင်တစ်ဦးထံမှသိရသည်။
“မုံရွာကနေ ပဲကြာဆံကို ရန်ကုန်-မန္တလေးစျေးကွက်ကို အများဆုံးပို့ရတယ်။ မုံရွာကထွက်တဲ့
ကြာဆံရဲ့ ၆၀ ရာခိုင်နှုန်းကျော် ရာခိုင်နှုန်း၇၀ ဟာ ရန်ကုန်သွားတာများတယ်။ နေ့စဥ်ပုံမှန်ထုတ်နေတယ်။ စက်ရုံအနေအထား၊ နေရာအကျယ်အဝန်းပေါ်မူတည်ပြီး နေလှမ်းကွက်ကျယ်ရင်ကျယ်သလို ကြာဆံထုတ်လို့ရတယ်။ နေလှမ်းကွင်းကျယ်သလောက် ပစ္စည်းနည်းတာများတာ ကွာသွားပါတယ်” ဟု ကြာဆံစက်ပိုင်တစ်ဦးကပြောသည်။
မြန်မာနိုင်ငံတွင် ပဲကြာဆံကို မုံရွာမြို့တစ်မြို့တည်းကသာ ထွက်ခြင်းဖြစ်ပြီး စားသုံးသူ၏ လိုအပ်ချက်အရ နေ့စဥ်ပုံမှန် စက်လည်ပတ်ထုတ်လုပ်နေကြကြောင်းသိရသည်။
“ပဲကြာဆံကလောလောဆယ် စားသုံးသူအနေအထားအရ အရောင်းအဝယ်ဖြစ်တာပေါ့။ တစ်ပိသာ ၄၆၀၀-၄၇၀၀ ဖြစ်နေတယ်။ စားသောက်ကုန်ဆိုတော့ ပုံမှန်စက်ရုံလည်ရပါတယ်” ဟု ကြာဆံစက်ပိုင်ကပြောသည်။
မုံရွာမြို့နယ်ကျေးရွာများတွင် ပဲကြာဆံစက်ရုံ ၂၄ လုံး၊ မုံရွာစက်မှုဇုန်တွင် ၈လုံး စုစုပေါင်းကြာဆံစက်ရုံ ၃၂ ရုံတွင် ရုံ ၂၀ ကျော် လည်နေကြောင်းသိရသည်။ ကြာဆံစက်ရုံတစ်ရုံက တစ်ရက်လျှင် ကြာဆံ ၅ ပိသာထုတ် ၁၄၀ခန့် ထုတ်လုပ်နိုင်ပြီး ကုန်ကြမ်းကို ယခင်ကကဲ့သို့ ပဲများမသုံးတော့ဘဲ ပဲကော်မှုန့်ကို ရန်ကုန်မှ မှာသုံးကြောင်းသိရသည်။
ကြာဆံစက်ရုံတစ်ရုံတွင် အလုပ်သမား အနည်းဆုံး၃၀ခန့်ရှိရာ အလုပ်သမား တစ်ဦးလျှင် ၄နာရီ၅နာရီတစ်ပိုင်းလုပ်သူကို ၄၀၀၀ ကျပ်ပေးရပြီး ၂ပိုင်းလုပ်သူကို ၈ထောင်ပေးရကြောင်း သိရသည်။
စျာန်ထူးကို
Original works by PaukPhaw@PaukPhaw Network: http://www.paukphaw.org/2022/07/18/%e1%80%99%e1%80%af%e1%80%b6%e1%80%9b%e1%80%bd%e1%80%ac%e1%80%91%e1%80%bd%e1%80%80%e1%80%ba%e1%80%95%e1%80%b2%e1%80%80%e1%80%bc%e1%80%ac%e1%80%86%e1%80%b6%e1%81%87%e1%81%80%e1%80%81%e1%80%94%e1%80%ba/
WeChat PaukPhaw 
