မုံရွာစက်မှုဇုန်စီမံခန့်ခွဲမှုကော်မတီရုံးမီးလောင်
စစ်ကိုင်းတိုင်းဒေသကြီး မုံရွာမြို့ မုံရွာစက်မှုဇုန်စီမံခန့်ခွဲမှုကော်မတီရုံးသည် သြဂုတ်လ ၂ ရက် ည ၁၁ နာရီ မိနစ် ၂၀ က မီးလောင်မှုဖြစ်ပွားရာ အချိန်တစ်နာရီခန့် မီးငြိမ်းသတ်ခဲ့ရကြောင်း သိရသည်။
“စက်မှုဇုန်ရုံး အဆောက်အဦးကြီးတစ်ခုလုံး လောင်သွားတာပါ။ လောင်တဲ့အကြောင်းရင်းနဲ့ ဆုံးရှုံးမှုတန်ဖိုးကတော့ အခုမှအဖွဲ့စုံနဲ့စိစစ်ပြီး ပြန်တွက်ရမှာပါ။ မနေ့ညက လုံခြုံရေးအခြေအနေအရ မီးငြိမ်းအောင်ဘဲ လုပ်ဆောင်ခဲ့ရတယ်” ဟု မုံရွာခရိုင်မီးသတ်ဦးစီးမှူး ဦးညီညီဇော် ကပြောသည်။
မီးငြိမ်းရာတွင် မုံရွာခရိုင်မီးသတ်ဦးစီးမှူး ဦးညီညီဇော် ဦးဆောင်သည့် မီးသတ်တပ်ဖွဲ့ဝင် ၅၀ ခန့် ပါဝင်ပြီး မီးငြိမ်းသတ်ယာဥ် ၅ စီး၊ ရေသယ်ယာဥ် ၃ စီးတို့ဖြင့် ငြိမ်းသတ်ခဲ့ကြောင်းသိရသည်။
မီးလောင်မှုနှင့်ပတ်သက်၍ အမှုဖွင့်အရေးယူနိုင်ရန် မုံရွာမြို့ နယ်မြေရဲစခန်းက ဆောင်ရွက်လျက်ရှိကြောင်း သိရသည်။
၎
င
၎
၎
Original works by shin@PaukPhaw Network: http://www.paukphaw.org/2022/08/04/%e1%80%99%e1%80%af%e1%80%b6%e1%80%9b%e1%80%bd%e1%80%ac%e1%80%85%e1%80%80%e1%80%ba%e1%80%99%e1%80%be%e1%80%af%e1%80%87%e1%80%af%e1%80%94%e1%80%ba%e1%80%85%e1%80%ae%e1%80%99%e1%80%b6%e1%80%81%e1%80%94/