တရုတ်-မြန်မာသံတမန်ဆက်ဆံရေးထူထောင်ခြင်း (၇၂) နှစ်ပြည့် အထိမ်းအမှတ် ဖန်တီးမှုပြိုင်ပွဲ ဆုရသူများ ဆုချီးမြှင့်

တရုတ်-မြန်မာသံတမန်ဆက်ဆံရေးထူထောင်ခြင်း (၇၂) နှစ်ပြည့် အထိမ်းအမှတ် “ကျွန်ုပ်တို့အားလုံးမိသားစုတွေပါ” အမည်ရှိ ဖန်တီးမှုပြိုင်ပွဲ ဆုပေးပွဲအခမ်းအနားကို စက်တင်ဘာလ ၂၈ ရက် နံနက် ၉နာရီက အွန်လိုင်း (Zoom meeting)ဖြင့် ကျင်းပပြုလုပ်ခဲ့သည်။

ပြိုင်ပွဲကို တရုတ်-မြန်မာ ပြည်သူများ၊ အထူးသဖြင့် လူငယ်မျိုးဆက်သစ်များအကြား တရုတ်-မြန်မာ ချစ်ကြည်ရေး အကြောင်းအရာများကို အတူတကွပြောဆိုပြီး၊ တရုတ်-မြန်မာချစ်ကြည်ရေးအသံများ မြှင့်တင်ရင်း၊ ခေတ်အဆက်ဆက်လက်ဆင့်ကမ်းခဲ့သည့် ဆွေမျိုးပေါက်ဖော်ချစ်ကြည်ရေးကို ဆက်လက် မြှင့်တင်ရန် ရည်ရွယ်ကျင်းပခြင်းဖြစ်သည်။

ပြိုင်ပွဲကို အပိုင်းလေးပိုင်းရှိ သိုသို၏အချစ်ဇာတ် ဝတ္ထုကိုကျောရိုးယူ၍ ဖန်တီးမှုပညာရှင်၊ သရုပ်ဖော်ပန်းချီပညာရှင်၊ နောက်ခံစကားပြောပညာရှင်၊ အဓိကမှတ်သားဖွယ်ရာဝါကျရွေးချယ်ခြင်း ဟူ၍ ကဏ္ဍလေးခု ခွဲကာ ယှဉ်ပြိုင်စေခဲ့ရာ နှစ်နိုင်ငံ နိုင်ငံသား တစ်ထောင်ကျော် ဝင်ရောက်ယှဉ်ပြိုင်ခဲ့ကြောင်း သိရသည်။

ကဏ္ဍတစ်ခုချင်းအလိုက် ဆုရွေးချယ်ပေးခဲ့ရာတွင် ဖန်တီးမှုပညာရှင်ဆုရှင်များအဖြစ် ရွှေတံဆိပ်ဆု ဆုသက်မှူး၊ ငွေတံဆိပ်ဆု 叶星 ၊ ကြေးတံဆိပ်ဆုရှင်များအဖြစ် သင်းသင်းခိုင်နှင့် 郑庆丽 တို့ကလည်းကောင်း၊ သရုပ်ဖော်ပန်းချီပညာရှင်များအဖြစ် ရွှေတံဆိပ်ဆု အောင်လွင်ဦး၊ ငွေတံဆိပ်ဆု 郑凯禧 ၊ ကြေးတံဆိပ်ဆုရှင်များအဖြစ် အောင်ကျော်ထွန်းနှင့် 吴可青 တို့ကလည်းကောင်း၊ နောက်ခံစကားပြောပညာရှင်များအဖြစ် ရွှေတံဆိပ်ဆု ယဉ်မျိုးအေး၊ ငွေတံဆိပ်ဆု အောင်မျိုးထွန်းကျော်၊ ဖြိုး၊ ကြေးတံဆိပ်ဆုရှင်များအဖြစ် 程颖慧 နှင့် 严天赐 တို့ကလည်းကောင်း၊ အဓိကမှတ်သားဖွယ်ရာဝါကျရွေးချယ်ခြင်းကဏ္ဍအတွက် ရွှေတံဆိပ်ဆု ဖြိုးအိလွင်၊ ငွေတံဆိပ်ဆု 郝雪妮 ၊ ကြေးတံဆိပ်ဆုရှင်များအဖြစ် 王天宝 ၊ 奚富双 နှင့် 杨菊馨 တို့ကလည်းကောင်း အသီးသီး ရရှိခဲ့ကြကြောင်းသိရသည်။

ကဏ္ဍလေးခုထဲမှ အနာဂတ်ကြယ်ပွင့်ဆုကို သီးသန့်ရွေးချယ်ပေးခဲ့ရာတွင် 罗家茂 ကရရှိခဲ့သည်။ ထို့အပြင် ကဏ္ဍတစ်ခုချင်းဆီမှ အထူးဆု အယောက် (၂၀)ဆီကိုလည်း ရွေးချယ်ချီးမြှင့်ခဲ့ကြောင်း သိရသည်။

အခမ်းအနားသို့ မန္တလေးအခြေစိုက်တရုတ်ကောင်စစ်ဝန်ချုပ်ရုံးမှ ဒုတိယကောင်စစ်ဝန်ချုပ် Zhang Wei ၊ China Media Group အာရှ-အာဖရိကမီဒီယာစင်တာ မြန်မာဘာသာဌာနမှ Xin Tian ၊ ပြိုင်ပွဲဝင်များနှင့် ဆက်စပ်အဖွဲ့အစည်းများမှ ဧည့်သည်တော်များ စုစုပေါင်း ၁၂၀ တက်ရောက်ခဲ့ကြောင်းသိရသည်။

တရုတ်-မြန်မာသံတမန်ဆက်ဆံရေးထူထောင်ခြင်း (၇၂) နှစ်ပြည့် အထိမ်းအမှတ် “ကျွန်ုပ်တို့အားလုံးမိသားစုတွေပါ” အမည်ရှိ ဖန်တီးမှုပြိုင်ပွဲကို မန္တလေးမြို့အခြေစိုက် တရုတ်ကောင်စစ်ဝန်ချုပ်ရုံး၊ China Media Group အာရှ-အာဖရိကမီဒီယာစင်တာ မြန်မာဘာသာဌာန၊ Focus on the Future” ထူးချွန်လူငယ်ပညာသင်ဆုစီမံကိန်းအဖွဲ့၊ မြန်မာနိုင်ငံမြောက်ပိုင်း တရုတ်စာပညာရေးမြှင့်တင်ရေးအသင်း၊ မြန်မာနိုင်ငံရှိ ပင်လယ်ရပ်ခြားတရုတ်နွယ်ဖွားအသင်းအဖွဲ့များ၊ တရုတ်စာပညာရေးအဖွဲ့အစည်းများ၊ သက်ဆိုင်ရာလူမှုအဖွဲ့အစည်းများ နှင့် တရုတ်နိုင်ငံရှိ သက်ဆိုင်ရာ မြန်မာဘာသာစကားအထူးပြု သင်ကြားရေးအဖွဲ့အစည်းများ စသည့်အဖွဲ့အစည်းပေါင်းစုံက တာဝန်ယူ၊ ပံ့ပိုးကူညီ စီစဉ်ကျင်းပခဲ့ခြင်းဖြစ်ကြောင်းသိရသည်။

အောင်မျိုးထွန်းကျော်

၎

င

၎

Original works by shin@PaukPhaw Network: http://www.paukphaw.org/2022/10/11/%e1%80%90%e1%80%9b%e1%80%af%e1%80%90%e1%80%ba-%e1%80%99%e1%80%bc%e1%80%94%e1%80%ba%e1%80%99%e1%80%ac%e1%80%9e%e1%80%b6%e1%80%90%e1%80%99%e1%80%94%e1%80%ba%e1%80%86%e1%80%80%e1%80%ba%e1%80%86%e1%80%b6/