ငွေကျပ် ၃၀ ဘီလီယံကျော် တန်ဖိုးရှိ အိုက်စ် (မက်သ်အဖက် တမင်း)နှင့် ကက်တမင်းများ ပြင်ဦးလွင်မြို့နယ်တွင် ဖမ်းဆီးရမိ

ကျပ်၃၀ဘီလီယံကျော်အိုက်စ်ပြင်ဦးလွင်တွင်ဖမ်းဆီးရမိ

မန္တလေးတိုင်းဒေသကြီး၊ ပြင်ဦးလွင်မြို့နယ်၊ မိုးကုတ်-ပြင်ဦးလွင်သွားကားလမ်း၊ ဆင်စားကုန်းကျေးရွာအနီးတွင် အောက်တိုဘာလ ၈ ရက်နေ့ နံနက် ၉ နာရီက ၆ဘီးမော်တော်ယာဉ် တစ်စီးမှ ငွေကျပ် ၃၀ ဘီလီယံကျော် တန်ဖိုးရှိ အိုက်စ်(မက်သ်အဖက်တမင်း)နှင့် ကက်တမင်းများ ဖမ်းဆီးရမိခဲ့ကြောင်း သိရသည်။

အဆိုပါနေ့က မူးယစ်ဆေးဝါး တားဆီးနှိမ်နင်းရေး ရဲတပ်ဖွဲ့မှ တပ်ဖွဲ့ဝင်များပါဝင်သော ပူးပေါင်းအဖွဲ့သည် ပြင်ဦးလွင်မြို့နယ်၊ မိုးကုတ်-ပြင်ဦးလွင်သွားကားလမ်း၊ ဆင်စားကုန်း ကျေးရွာအနီးတွင် မိုးကုတ်ဘက်မှ ပြင်ဦးလွင်ဘက်သို့ ငွေအောင် မောင်းနှင်ပြီး မင်းမင်း လိုက်ပါလာသည့် DONGFENG ၆ ဘီးမော်တော်ယာဉ်ကို သတင်းအရ ရှာဖွေရာ ယာဉ်ပေါ်တွင် ဘိလပ်မြေအိတ်များဖြင့် ဖုံးအုပ် သယ်ဆောင်လာသည့် ဒေသကာလတန်ဖိုးငွေ ကျပ် ၃၀ ဘီလီယံကျော်တန်ဖိုးရှိ အိုက်စ်(မက်သ်အဖက်တ မင်း) ၁၅၀၀ ကီလိုနှင့် ကက်တမင်း ၁ ကီလို သိမ်းဆည်းရမိခဲ့ခြင်းဖြစ်သည်။

စစ်ဆေးဖော်ထုတ်ချက်အရ သိမ်းဆည်းရမိသည့် အိုက်စ် နှင့် ကက်တမင်း တို့အား ရှမ်းပြည်နယ် (မြောက်ပိုင်း)မှ ရခိုင် ပြည်နယ်သို့ သယ်ဆောင်ခြင်းဖြစ်သည်ဟုဆိုသည်။

အဆိုပါ အိုက်စ်(မက်သ်အဖက်တမင်း) နှင့်ကက်တမင်းများကို သယ်ဆောင်လာသူများဖြစ်သည့် ငွေအောင်နှင့် မင်းမင်းတို့အား မူးယစ်ဆေးဝါးနှင့်စိတ်ကိုပြောင်းလဲစေသော ဆေးဝါးများဆိုင်ရာဥပဒေအရ အရေးယူ ထားရှိပြီး ကွင်းဆက်ပြစ်မှုကျူးလွန်သူများအား ဆက်လက်စစ်ဆေး ဖော်ထုတ်လျက်ရှိကြောင်း သိရသည်။

ကိုကျားကြီး

၎

င

၎

Original works by shin@PaukPhaw Network: http://www.paukphaw.org/2022/10/18/%e1%80%80%e1%80%bb%e1%80%95%e1%80%ba%e1%81%83%e1%81%80%e1%80%98%e1%80%ae%e1%80%9c%e1%80%ae%e1%80%9a%e1%80%b6%e1%80%80%e1%80%bb%e1%80%b1%e1%80%ac%e1%80%ba%e1%80%a1%e1%80%ad%e1%80%af%e1%80%80%e1%80%ba/