မန္တလေးတိုင်းဒေသကြီး သယံဇာတဝန်ကြီးဟောင်း ဦးမျိုးသစ် နှင့် စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဟောင်း ဒေါက်တာစိုးသန်း အကျဉ်းထောင်မှ ပြန်လည်လွတ်မြောက်လာ
ပြစ်ဒဏ်ချခံခဲ့ရပြီး လွတ်ရက်စေ့သဖြင့် မန္တလေးတိုင်းဒေသကြီး သယံဇာတဝန်ကြီးဟောင်း ဦးမျိုးသစ် နှင့် စိုက်ပျိုးရေး၊ မွေးမြူရေးနှင့် ဆည်မြောင်း ဝန်ကြီးဟောင်း ဒေါက်တာစိုးသန်းတို့သည် ယခုရက်ပိုင်းတွင် အကျဉ်းထောင်မှ အသီးသီး ပြန်လည်လွတ်မြောက်လာပြီဖြစ်ကြောင်း သိရသည်။
တိုင်းဒေသကြီးဝန်ကြီးဟောင်း ဒေါက်တာစိုးသန်းသည် ၂၀၂၁ ဖေဖော်ဝါရီ ၁ ရက်နေ့ နံနက်ပိုင်းက ဖမ်းဆီးခံရခြင်းဖြစ်ပြီး ၂၀၂၁ ခုနှစ် ဒီဇင်ဘာ ၈ရက်နေ့က အောင်မြေသာစံမြို့နယ်တရားရုံးမှ သဘာဝဘေးအန္တရာယ်ဆိုင်ရာ စီမံခန့်ခွဲမှုဥပဒေ ပုဒ်မ၂၅/၃၀(က)ဖြင့် ထောင်ဒဏ် ၂ နှစ်ချမှတ်ခံရကာ အိုးဘိုထောင်တွင် အကျဉ်းကျခံနေရာမှ နိုဝင်ဘာလ(၈)ရက်နေ့က လွတ်ရက်စေ့၍ ပြန်လည်လွတ်မြောက်လာခြင်း ဖြစ်သည်။
ထို့အတူ မန္တလေးတိုင်းဒေသကြီး သယံဇာတဝန်ကြီးဟောင်း ဦးမျိုးသစ်သည် ၂၀၂၁ ခုနှစ် ဖေဖော်ဝါရီလတွင် ဖမ်းဆီးရုံးထုတ် စစ်ဆေးခြင်းများပြုလုပ်ခဲ့ပြီး ပုဒ်မ-၅၀၅(ခ)ဖြင့် ပြီးခဲ့သည့် ၂၀၂၂ခုနှစ် ဇန်နဝါရီလ ၁၃ရက်က ထောင်ဒဏ်(၂)နှစ် ပြစ်ဒဏ်ချခံခဲ့ရပြီး လွတ်ရက်စေ့၍ ပြန်လွတ်လာခဲ့ခြင်း ဖြစ်သည်။
ကိုကျားကြီး
၎
င
၎
၎
Original works by shin@PaukPhaw Network: http://www.paukphaw.org/2022/11/13/%e1%80%a6%e1%80%b8%e1%80%99%e1%80%bb%e1%80%ad%e1%80%af%e1%80%b8%e1%80%9e%e1%80%85%e1%80%ba-%e1%80%92%e1%80%b1%e1%80%ab%e1%80%80%e1%80%ba%e1%80%90%e1%80%ac%e1%80%85%e1%80%ad%e1%80%af%e1%80%b8%e1%80%9e/