စစ်ကိုင်းတိုင်းအထက်ပိုင်းမှ လက်ဖက်ဧက ၁၀၀၀၀ ကျော်တွင် လက်ဖက်များဆွတ်ခူးလျက်ရှိ

စစ်ကိုင်းတိုင်းဒေသကြီး အထက်ပိုင်းဒေသများဖြစ်သည့် နာဂကိုယ်ပိုင်အုပ်ချုပ်ခွင့်ရဒေသနှင့် တမူးခရိုင်၊ ခန္တီးခရိုင်၊ ဟုမ္မလင်းခရိုင်၊ ကသာခရိုင်၊ ကောလင်းခရိုင်များရှိ လက်ဖက်ဧက ၁၁၆၅၅ တွင် လက်ဖက်များ ဆွတ်ခူးနေပြီဖြစ်ကြောင်း သိရသည်။

“စစ်ကိုင်းတိုင်း အထက်ပိုင်းကထွက်တဲ့ လက်ဖက်ခြောက်တွေက ဒေသမှာပဲသုံးကြသလို ပိုလျံတာကို မုံရွာနဲ့မန္တလေး စျေးကွက်ကို တင်ပို့ရောင်းချကြပါတယ်။ စစ်ကိုင်းတိုင်းအထက်ပိုင်းမှာ လက်ဖက်ကို ၁၁၉၉၄ဧက စိုက်ထားတာ ၁၁၆၅၅ဧက ဆွတ်ခူးနေကြပြီ”ဟု စစ်ကိုင်းတိုင်းဒေသကြီး စိုက်ပျိူးရေးဦးစီးမှူး ဦးဝင်းလှိုင်ဦး ကပြောသည်။

နာဂကိုယ်ပိုင်အုပ်ချုပ်ခွင့်ရဒေသရှိ မြို့နယ်များတွင် လက်ဖက် ၈၉၆ ဧက၊ ခန္တီးခရိုင်တွင် ဧက ၂၈၀၊ ဟုမ္မလင်းခရိုင်တွင် ၉၄၂၈ ဧက၊ မော်လိုက်ခရိုင်တွင် ဧက ၂၉၀၊ ကသာခရိုင်တွင် ၄၈၇ဧကနှင့် ကောလင်းခရိုင်တွင် ၅၆၄ဧက လက်ဖက်စိုက်ပျိုးထုတ်လုပ်နေခြင်းဖြစ်ကြောင်း သိရသည်။

စျာန်ထူးကို

၎

င

၎

Original works by shin@PaukPhaw Network: http://www.paukphaw.org/2022/12/21/%e1%80%85%e1%80%85%e1%80%ba%e1%80%80%e1%80%ad%e1%80%af%e1%80%84%e1%80%ba%e1%80%b8%e1%80%90%e1%80%ad%e1%80%af%e1%80%84%e1%80%ba%e1%80%b8%e1%80%a1%e1%80%91%e1%80%80%e1%80%ba%e1%80%95%e1%80%ad%e1%80%af/