ရွှေဘိုပေါ်ဆန်းစပါးအသစ်သည် ၁၅ရက်အတွင်း တင်း ၁၀၀ လျှင် ကျပ် ၃သိန်းထိ စျေးတက်သွားခဲ့
စစ်ကိုင်းတိုင်းဒေသကြီး ရွှေဘိုဒေသထွက် ရွှေဘိုပေါ်ဆန်းစပါးအသစ်စျေးသည် ၁၅ ရက်အတွင်း တင်း ၁၀၀ လျှင် ကျပ် ၃ သိန်းထိ ဈေးမြင့်တက်သွားကြောင်း သိရသည်။
ပြီးခဲ့သည့် ဒီဇင်ဘာလကုန်က ရွှေဘိုပေါ်ဆန်းစပါးအသစ် အနိမ့်စပါး တင်း ၁၀၀ လျှင် ကျပ် ၁၅ သိန်းရှိရာမှ လက်ရှိ ဇန်နဝါရီလ ၁၆ ရက်နေ့တွင် ကျပ် ၁၈ သိန်းစျေးထိ ရှိလာပြီး အလတ်စျေးသည် ယခင်က ၁၅ သိန်း ၅ သောင်းစျေးမှ ယခုတွင် ၁၉ သိန်း၊ အမြင့်စျေးသည် ယခင် ၁၆ သိန်းရှိရာမှ ယခု သိန်း ၂၀ အထိ စျေးမြင့်တက်သွားကြောင်း ဈေးကွက်မှသိရသည်။
ရွှေဘိုပေါ်ဆန်းစပါးအဟောင်းစျေးသည် တည်ငြိမ်နေရာ တင်း ၁၀၀ လျှင် အနိမ့်သည် ကျပ် ၂၅ သိန်းနှင့် အမြင့်သည် ၂၇ သိန်းစျေး ရှိနေသည်။
ရွှေဘိုခရိုင်အတွင်း ၂၀၂၂-၂၀၂၃ မိုးရာသီရွှေဘိုပေါ်ဆန်း စိုက်ဧကသည် ၃၃၃၉၄၂ ဧက ရှိကြောင်းသိရသည်။
စျာန်ထူးကို
Original works by shin@PaukPhaw Network: http://www.paukphaw.org/2023/01/20/%e1%80%9b%e1%80%bd%e1%80%be%e1%80%b1%e1%80%98%e1%80%ad%e1%80%af%e1%80%95%e1%80%b1%e1%80%ab%e1%80%ba%e1%80%86%e1%80%94%e1%80%ba%e1%80%b8%e1%80%85%e1%80%95%e1%80%ab%e1%80%b8%e1%80%a1%e1%80%9e%e1%80%85/