ရန်ကုန်-မန္တလေး အမြန်လမ်းတွင် ခရီးသည်တင်ယာဉ်တစ်စီး တိမ်းမှောက်ခဲ့ပြီး ၃ဦး သေဆုံး

ရန်ကုန်-မန္တလေးအမြန်လမ်းတွင်ယာဉ်တစ်စီးတိမ်းမှောက်

မတ်လ ၄ ရက်နေ့ နံနက် ၅ နာရီခွဲက ရန်ကုန်-မန္တလေး အမြန်လမ်း မိုင်တိုင်အမှတ် (၁၆၇/၄)တွင် ခရီးသည်တင်ယာဉ်တစ်စီး တိမ်းမှောက်ခဲ့ပြီး ၃ဦးသေဆုံးခဲ့ကြောင်း သိရသည်။

ရန်ကုန်-မန္တလေးအမြန်လမ်းမကြီး၊ မိုင်တိုင်အမှတ် (၁၆၇/၄)နှင့် (၁၆၇/၅)ကြားတွင် YUTONG အမျိုးအစား (ဒို့ညီနောင်)ဖြူ/နီရောင် ခရီးသည်တင်ယာဉ်သည် အရှိန်မထိန်းနိုင်ဘဲ လမ်းလယ်ကျွန်းကာရံထားသော GUARD RAIL တန်းများအား တိုက်မိပြီး တိမ်းမှောက်မှုဖြစ်ပွားခဲ့ခြင်းဖြစ်သည်။

ယာဉ်တိမ်းမှောက်မှုကြောင့် ယာဉ်ပေါ်ပါ ကျား(၂၀)ဦး၊ မ(၁၁)ဦး စုစုပေါင်း(၃၁)ဦးအနက် ကျား(၃)ဦး သေဆုံးခဲ့ပြီး ကျား(၁၅)ဦးနှင့် မ(၁၀)ဦးတို့ ထိခိုက်ဒဏ်ရာရရှိကာ ကျန် ကျား(၂)ဦးနှင့် မ(၁)ဦး မှာ ထိခိုက်ဒဏ်ရာရရှိမှု မရှိကြောင်း ကယ်ဆယ်ရေးလုပ်ငန်းများ သွားရောက်ဆောင်ရွက်ပေးခဲ့သော မြန်မာနိုင်ငံမီးသတ်တပ်ဖွဲ့မှသိရသည်။

ကိုကျားကြီး

Original works by shin@PaukPhaw Network: http://www.paukphaw.org/2023/03/11/%e1%80%9b%e1%80%94%e1%80%ba%e1%80%80%e1%80%af%e1%80%94%e1%80%ba-%e1%80%99%e1%80%94%e1%80%b9%e1%80%90%e1%80%9c%e1%80%b1%e1%80%b8%e1%80%a1%e1%80%99%e1%80%bc%e1%80%94%e1%80%ba%e1%80%9c%e1%80%99%e1%80%ba/