ဟုမ္မလင်းမြို့၊ ငါးသားပေါက်စခန်းမှ ၂လက်မငါးသားပေါက် ကောင်ရေ ၄သိန်း ထုတ်လုပ်မည်

ဟုမ္မလင်းငါးသားပေါက်စခန်းမှကောင်ရေ၄သိန်းထုတ်မည်

စစ်ကိုင်းတိုင်းဒေသကြီး၊ ဟုမ္မလင်းမြို့၊ ငါးသားပေါက်စခန်းမှ ၂လက်မ ငါးသားပေါက်ကောင်ရေ ၄သိန်း ထုတ်လုပ်မည်ဖြစ်ကြောင်း သိရသည်။

ဟုမ္မလင်းမြို့တွင် ငါးသားပေါက်စခန်းကို တည်ဆောက်လျက်ရှိရာ ၂၀၂၃-၂၀၂၄ ဘဏ္ဍာရေးနှစ်တွင် ၂ လက်မအရွယ် ငါးသားပေါက် ကောင်ရေ ၄ သိန်း ထုတ်လုပ်ကာ ငါးမွေးမြူရေး လုပ်ငန်းရှင်များအား ဖြန့်ဖြူးခြင်းနှင့် မြစ်ချောင်းများအတွင်းသို့ စေလွှတ်ခြင်းများ ဆောင်ရွက်သွားမည် ဖြစ်ကြောင်းသိရသည်။

ဟုမ္မလင်းမြို့ ငါးသားပေါက်စခန်း တည်ဆောက်ရေး ရှင်းလင်းဆောင်သို့ ဖေဖော်ဝါရီလ ၂၈ရက် မွန်းလွဲပိုင်းက စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်နှင့် တာဝန်ရှိသူများ ရောက်ရှိစစ်ဆေးခဲ့ကြောင်း သိရသည်။

တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ဟုမ္မလင်းမြို့၊ ကျေးလက်ဒေသဖွံ့ဖြိုးတိုးတက်ရေး ဦးစီးဌာနရုံး အစည်းအဝေးခန်းမတွင် ဟုမ္မလင်းနှင့်ခန္တီးအကြား ချင်းတွင်းမြစ်ရိုးတစ်လျှောက်ကို အခြေပြုကာ ငါးမွေးမြူရေးလုပ်ငန်းများလုပ်ဆောင်နေကြသည့် ဟုမ္မလင်းမြို့နယ် ငါးမွေးမြူရေးလုပ်ငန်းရှင်များနှင့် တွေ့ဆုံဆွေးနွေးပွဲ ပြုလုပ်ခဲ့ကြောင်းသိရသည်။

စျာန်ထူးကို

Original works by shin@PaukPhaw Network: http://www.paukphaw.org/2023/03/11/%e1%80%9f%e1%80%af%e1%80%99%e1%80%b9%e1%80%99%e1%80%9c%e1%80%84%e1%80%ba%e1%80%b8%e1%80%84%e1%80%ab%e1%80%b8%e1%80%9e%e1%80%ac%e1%80%b8%e1%80%95%e1%80%b1%e1%80%ab%e1%80%80%e1%80%ba%e1%80%85%e1%80%81/