ဆီပေပါများ၊ ကုန်စည်များ တင်ဆောင်ထားသည့် မော်တော်ယာဉ်တစ်စီးမီးလောင်

စစ်ကိုင်းတိုင်းဒေသကြီး၊ မုံရွာမြို့၊ နန္ဒ၀န် နယ်မြေ(၇)၊ (၂၁)လမ်းတွင် မတ်လ ၃၀ ရက် ညနေ ၃ နာရီကျော်က ဆီပေပါများ၊ ကုန်စည်များ တင်ဆောင်ထားသည့် မော်တော်ယာဉ်တစ်စီး မီးလောင်မှုဖြစ်ပွားကြောင်း သိရသည်။

မီးလောင်နေကြောင်း တာ၀န်သိပြည်သူတစ်ဦးမှ ဖုန်းဆက်အကြောင်းကြားမှုအရ မြန်မာနိုင်ငံလူမှုကယ်ဆယ်ရေးအဖွဲ့ မုံရွာမြို့နယ်ရုံးမှ လူနာတင်ယာဉ်(၃)စီး၊ ကယ်ဆယ်ရေးယာဉ်(၁)စီး၊ အဖွဲ့၀င် (၁၅)ဦးတို့ ထွက်ခွါကာမီးငြိမ်းသတ်ရာတွင် လိုအပ်သည်များ ပူးပေါင်းကူညီခဲ့ကြောင်း မြန်မာနိုင်ငံလူမှုကယ်ဆယ်ရေးအဖွဲ့ (မုံရွာမြို့)မှထုတ်ပြန်ထားသည်။

ကားမီးလောင်မှုကို ညနေ ၃ နာရီ ၁၅ မိနစ်တွင် မီးထိန်းနိုင်ခဲ့ပြီး ညနေ ၃ နာရီ ၂၅ မိနစ်တွင် မီးငြိမ်းသွားကြောင်း စစ်ကိုင်းတိုင်းဒေသကြီး မီးသတ်ဦးစီးဌာန၏ ထုတ်ပြန်ချက်အရ သိရသည်။

စျာန်ထူးကို

Original works by shin@PaukPhaw Network: http://www.paukphaw.org/2023/04/01/%e1%80%86%e1%80%ae%e1%80%95%e1%80%b1%e1%80%95%e1%80%ab%e1%80%99%e1%80%bb%e1%80%ac%e1%80%b8%e1%81%8a-%e1%80%80%e1%80%af%e1%80%94%e1%80%ba%e1%80%85%e1%80%8a%e1%80%ba%e1%80%99%e1%80%bb%e1%80%ac%e1%80%b8/