တရုတ်သံရုံးမှကူညီထောက်ပံ့ပေးသည့်စက်ချုပ်သင်တန်း

ရခိုင်ပြည်နယ်တွင် တရုတ်သံရုံးမှကူညီထောက်ပံ့ပေးသည့် အခမဲ့စက်ချုပ်သင်တန်း သင်တန်းဆင်းပွဲကျင်းပ

မြန်မာနိုင်ငံဆိုင်ရာတရုတ်သံရုံးမှ ကူညီထောက်ပံ့ပြီး ရခိုင်ပြည်နယ် မြေပုံမြို့ရှိ ဒေါက်တာစောမြအောင်ဖောင်ဒေးရှင်းမှ တာဝန်ခံ ပူးပေါင်းဖွင့်လှစ်သော ဒုတိယအကြိမ် အခမဲ့ စက်ချုပ်သင်တန်း သင်တန်းဆင်းပွဲကို ပြီးခဲ့သည့်ရက်ပိုင်းက ပြုလုပ်ခဲ့ကြောင်း သိရသည်။

အဆိုပါစက်ချုပ်သင်တန်း ဖွင့်လှစ်ပေးခြင်းဖြင့် သင်တန်းသူများ၏ အလုပ်အကိုင်စွမ်းရည်ကို မြှင့်တင်ပေးနိုင်ပြီး နေထိုင်မှုဘဝအခြေအနေများကို ပိုမိုကောင်းမွန်လာစေရန် ပံ့ပိုးကူညီပေးနိုင်မည်ဖြစ်ကြောင်း သိရသည်။

စက်ချုပ်သင်တန်းကို ၂၀၂၂ ခုနှစ် စက်တင်ဘာလမှ ၂၀၂၃ ခုနှစ် စက်တင်ဘာလအထိ ဆက်တိုက်ဖွင့်လှစ်ပေးမည်ဖြစ်ပြီး သုံးလတစ်ကြိမ် ဒေသခံသင်တန်းသူ ၁၅ ဦးကို အခမဲ့ လက်ခံသင်ကြားပေးရာ တစ်နှစ်ပတ်လုံး စုစုပေါင်းသင်တန်းသူ ၆၀ ဦးကို သင်ကြားပေးနိုင်မည်ဖြစ်သည်။

အလားတူ ဒေါက်တာစောမြအောင်ဖောင်ဒေးရှင်းသည် YUNNAN AID အဖွဲ့တို့ပူးပေါင်းကာ ရခိုင်ပြည်နယ်ရှိ အလုပ်အကိုင်မရှိဖြစ်နေသည့်အမျိုးသမီးငယ်များဘဝရပ်တည်ရေးအတွက် မြောက်ဦးအပါအဝင် တောင်ကုတ်နှင့် မင်းပြားမြို့တို့တွင်လည်း အပ်ချုပ်သင်တန်များကို အခမဲ့ဖွင့်လှစ်သင်ကြားပေးနေပြီး အခမဲ့အပ်ချုပ်သင်တန်းတွင် ရခိုင်ရိုးရာဝတ်စုံ၊ ရခိုင်မင်္ဂလာဝတ်စုံနှင့် အနောက်တိုင်းဝတ်စုံများ ချုပ်လုပ်နည်းကိုလည်း ထည့်သွင်းသင်ကြားပေးခဲ့ကြောင်း သိရသည်။

ကိုခန့်

Original works by shin@PaukPhaw Network: http://www.paukphaw.org/2023/04/09/%e1%80%90%e1%80%9b%e1%80%af%e1%80%90%e1%80%ba%e1%80%9e%e1%80%b6%e1%80%9b%e1%80%af%e1%80%b6%e1%80%b8%e1%80%99%e1%80%be%e1%80%80%e1%80%b0%e1%80%8a%e1%80%ae%e1%80%91%e1%80%b1%e1%80%ac%e1%80%80%e1%80%ba/