တရုတ်-မြန်မာနယ်စပ် ဝမ်တိန်အပါအဝင် ကုန်စည်ဖြတ်သန်းရာလမ်းကြောင်း သုံးခုအတွက် သီးသန့်မိုးလေဝသ ဝန်ဆောင်မှုပေးလျက်ရှိ

တရုတ်-မြန်မာနယ်စပ်သီးသန့်မိုးလေဝသဝန်ဆောင်မှု

တရုတ်နိုင်ငံ ယူနန်ပြည်နယ် တယ်ဟုန်ပြည်နယ်ခွဲတွင် ရွှေလီမြို့မိုးလေဝသဦးစီးဌာနသည် တရုတ်-မြန်မာနယ်စပ်ဒေသရှိ နှစ်နိုင်ငံ သွားလာဆက်ဆံသည့် အရေးပါနယ်စပ်ဂိတ်ဖြစ်သည့် ဝမ်တိန်အပါအဝင် ကုန်စည်ဖြတ်သန်းရာလမ်းကြောင်း သုံးခုအတွက် သီးသန့်မိုးလေဝသ အာမခံဝန်ဆောင်မှု ပေးနေကြောင်း သိရသည်။

အဆိုပါမိုးလေဝသဝန်ဆောင်မှုကိုအသုံးပြုခြင်းဖြင့် မိုးရာသီကျရောက်လာချိန်တွင် တရုတ်-မြန်မာနှစ်ဖက်မှ ယာဉ်မောင်းများသည် လက်ကိုင်ဖုန်းတွင် ကြိုတင်သတိပေးသည့် စာတိုများလက်ခံရရှိနိုင်မည်ဖြစ်ပြီး မကောင်းမွန်သောရာသီဥတုကြောင့် ကုန်စည်ပို့ဆောင်မှုအပေါ် အကျိုးသက်ရောက်မှုကို လျှော့ချနိုင်မည်ဖြစ်သည်ဟုဆိုသည်။

ရွှေလီမြို့မိုးလေဝသဦးစီးဌာနသည် မြန်မာနိုင်ငံသား ကျောင်းသားကျောင်းသူပေါင်း သုံးပုံတစ်ပုံရှိသည့် ရွှေလီမြို့ ကျယ်ဂေါင်မူလတန်းကျောင်းတွင် ကျောင်းနှင့်ပူးပေါင်းကာ မိုးလေဝသထူးခြားချက် လှုပ်ရှားမှုသင်ခန်းစာကို အတူဖော်ဆောင်ပြီး မိုးလေဝသ ယေဘုယျဗဟုသုတများအား နေ့စဉ်သင်ကြားမှုတွင် ပေါင်းစပ်ပေးလျက်ရှိသည်။

၂၀၁၈ ခုနှစ် ဇူလိုင်လတွင် ရွှေလီမြို့ ပထမဆုံး ကျေးလက်တောရွာ မိုးကြိုးအန္တရာယ်ကာကွယ်ရေးနှင့် ဘေးအန္တရာယ်လျှော့ချရေး စံနမူနာပြနေရာကို တရုတ်-မြန်မာနယ်စပ်ရှိ ရင်ကျင်ရွာတွင် တည်ဆောက်ပြီးစီး၍ စတင်အသုံးပြုခဲ့သည်။

ရွှေလီမြို့မိုးလေဝသဦးစီးဌာနသည် ယူနန်ပြည်နယ် မိုးလေဝသအန္တရာယ် ကြိုတင်ကာကွယ်ရေးစင်တာ နှင့်အတူ ဤနေရာ၌ မိုးကြိုးအန္တရာယ် အရေးပေါ်ရှောင်တိမ်းရာနေရာ ၁ ခုနှင့် မိုးကြိုးလွှဲ ၃ ခု တပ်ဆင်ခဲ့သည်။ ၎င်းသည် တရုတ်နိုင်ငံပြည်တွင်းရှိ ရင်ကျင်ရွာကို လွှမ်းခြုံနိုင်ရုံသာမက မြန်မာနိုင်ငံပြည်တွင်းရှိ မန့်ဟီးရိုးမြို့ကိုလည်း လွှမ်းခြုံနိုင်ကြောင်း သိရသည်။

မြသုခ

Original works by shin@PaukPhaw Network: http://www.paukphaw.org/2023/04/28/%e1%80%90%e1%80%9b%e1%80%af%e1%80%90%e1%80%ba-%e1%80%99%e1%80%bc%e1%80%94%e1%80%ba%e1%80%99%e1%80%ac%e1%80%94%e1%80%9a%e1%80%ba%e1%80%85%e1%80%95%e1%80%ba%e1%80%9e%e1%80%ae%e1%80%b8%e1%80%9e%e1%80%94/