နိုင်ငံတကာတရုတ်ဘာသာစကားနေ့ တရုတ်စာလက်ရေးလှ အလှတရားအခမ်းအနားကျင်းပ
မြန်မာနိုင်ငံဆိုင်ရာတရုတ်သံရုံး၊ Center for Language Education and Cooperation နှင့် Myanmar International Education Center တို့ အတူတကွကျင်းပသည့် နိုင်ငံတကာတရုတ်ဘာသာစကားနေ့ တရုတ်စာလက်ရေးလှ အလှတရားအခမ်းအနားကို ဧပြီလ ၂၃ ရက်နေ့တွင် ကျင်းပခဲ့ကြောင်း သိရသည်။
အခမ်းအနားကို “တရုတ်ဘာသာစကား – ယဉ်ကျေးမှုဆွေးနွေးမှုမြှင့်တင်ခြင်း” ခေါင်းစဉ်ဖြင့် ကျင်းပခဲ့ပြီး ခန်းမအတွင်း၌ “သီးနှံတိုးမိုးရာသီချိန် ခေါ် ကူယွီရာသီချိန်” “သင်္ကြန်ပွဲတော်” နှင့်ပတ်သက်သည့် ကဗျာစာသားနှင့် တရုတ်စာလက်ရေးလှ လက်ရာများကို ပြသထားသည်။
အခမ်းအနားတွင် သံမှူးကြီး Dr. Zheng Zhihong က တရုတ်ကွန်မြူနစ်ပါတီ၏ အကြိမ် (၂၀) နိုင်ငံလုံးဆိုင်ရာပါတီညီလာခံနှင့် ကမ္ဘာလုံးဆိုင်ရာ ယဉ်ကျေးမှုအဆိုပြုချက်ကို မိတ်ဆက်ပေးခဲ့ပြီး ပါဝင်သူများက တရုတ်စာလက်ရေးလှ ရေးသားခြင်းမှတစ်ဆင့် တရုတ်ဘာသာစကားနှင့် တရုတ်ယဉ်ကျေးမှုအပေါ် နားလည်သိရှိချစ်မြတ်နိုးမှုကို တိုးမြှင့်ကာ တရုတ်-မြန်မာ နှစ်နိုင်ငံယဉ်ကျေးမှု ကူးလူးဖလှယ်ရေး၏ သံတမန်အဖြစ်ဆောင်ရွက်၍ နှစ်နိုင်ငံလူမှုရေးနှင့် ယဉ်ကျေးမှုကူးလူးဖလှယ် အပြန်အလှန်အတုယူမှုကို တွန်းအားပေးဖော်ဆောင်ရန် မျှော်လင့်ကြောင်း အမှာစကားတွင် ထည့်သွင်းပြောကြားခဲ့ကြောင်း သိရသည်။
မြသုခ
Original works by shin@PaukPhaw Network: http://www.paukphaw.org/2023/04/28/%e1%80%94%e1%80%ad%e1%80%af%e1%80%84%e1%80%ba%e1%80%84%e1%80%b6%e1%80%90%e1%80%80%e1%80%ac%e1%80%90%e1%80%9b%e1%80%af%e1%80%90%e1%80%ba%e1%80%98%e1%80%ac%e1%80%9e%e1%80%ac%e1%80%85%e1%80%80%e1%80%ac/