ဧရာဝတီမြစ်အတွင်း ရေချိုးဆင်းသူတစ်ဦးရေနစ်သေဆုံး
ဧပြီလ ၂၉ ရက် မွန်းလွဲပိုင်းက စစ်ကိုင်းမြို့၊ ရတနာပုံတံတားအောက်၊ ဧရာဝတီမြစ်အတွင်း လူတစ်ဦး ရေဆင်းချိုးရာမှ ရေနစ်သေဆုံးခဲ့ကြောင်း သိရသည်။
အဆိုပါလူတစ်ဦး ရေချိုးဆင်းရာမှ ရေနစ်ကြောင်း သတင်းရရှိသဖြင့် စစ်ကိုင်းခရိုင်နှင့် မြို့နယ်မီးသတ်စခန်းများမှ သန္ဓေမီးသတ်တပ်ဖွဲဝင်များ၊ စိန်ကုန်းအရန်မီးသတ်စခန်းနှင့် ထုံးဘိုအရန်မီးသတ်စခန်းမှ အရန်မီးသတ်တပ်ဖွဲဝင်များ၊ ခရိုင်ကြက်ခြေနီတပ်ဖွဲ့ဝင်များ၊ သုခကာရီ လူမှုကူညီရေးအသင်းဝင်များနှင့် SERT အရေးပေါ်ရှာဖွေကယ်ဆယ်ရေးအသင်းဝင်များ၊ သက်ဆိုင်ရာအဖွဲအစည်းများဖြင့်ပူးပေါင်း၍ ရှာဖွေကယ်ဆယ်ရေးလုပ်ငန်းများ ဆောင်ရွက်ခဲ့ကြကြောင်း သိရသည်။
အဆိုပါ ရေနစ်သူ၏ရုပ်အလောင်းကို မွန်းလွဲ ၁ နာရီခန့်က ရှာဖွေတွေ့ရှိခဲ့ပြီး သုခကာရီ လူမှုကူညီရေးအသင်းမှ သူနာတင်ယာဉ်ဖြင့် ကုတင် ၂၀၀ ဆံ့ဆေးရုံကြီးသို့ ပိုဆောင်ပေးခဲ့ကြောင်း သိရသည်။
အညာသား (စစ်ကိုင်း)
Original works by shin@PaukPhaw Network: http://www.paukphaw.org/2023/04/30/%e1%80%a7%e1%80%9b%e1%80%ac%e1%80%9d%e1%80%90%e1%80%ae%e1%80%99%e1%80%bc%e1%80%85%e1%80%ba%e1%80%a1%e1%80%90%e1%80%bd%e1%80%84%e1%80%ba%e1%80%b8-%e1%80%9b%e1%80%b1%e1%80%81%e1%80%bb%e1%80%ad%e1%80%af/