မြန်မာ-တရုတ်နယ်စပ်ဂိတ်များ တရုတ်ဘက်ကဖွင့်သော်လည်း မြန်မာဘက်မှ မဖွင့်သေးဟုဆို

မြန်မာ-တရုတ်နယ်စပ်ဂိတ်များ တရုတ်ဘက်ကဖွင့်သော်လည်း မြန်မာဘက်မှ မဖွင့်သေးဟုဆို

မြန်မာ-တရုတ်နယ်စပ်ဂိတ်များ တရုတ်ဘက်ကဖွင့်သော်လည်း မြန်မာဘက်မှ မဖွင့်သေးဟုဆို

ဇန်နဝါရီလ(၈)ရက် နံနက်(၈)နာရီတွင် မြန်မာ-တရုတ်နယ်စပ်ဂိတ် (၃)ခုကို တရုတ်ဘက်က ပြန်လည်ဖွင့်လှစ်လိုက်သော်လည်း ကိုဗစ်ကျန်းမာရေးကို ရှေးရှု၍ ကိုဗစ်(၁၉)ရောဂါကူးစက်မှု အခြေအနေကြောင့် မြန်မာဘက်က ဖွင့်မပေးသေးကြောင်း သိရသည်။

“သိထားတာက ဇန်နဝါရီလ(၈)ရက် မနက်(၈)နာရီမှာ ဂိတ်တွေအားလုံး ဖွင့်ပေးမှာလို့ သိထားတယ်။ ကြေညာထားတယ်လည်း ပြောကြပါတယ်။ တရုတ်ဘက်ကတော့ အဲဒီအချိန်ကိုက် ဖွင့်ပြီပြောပါတယ်။ ဒါပေမယ့်လည်း မြန်မာဘက်ခြမ်းကတော့ မနက်ပိုင်းက ရောက်ခဲ့တာ မဖွင့်ပေးသေးဘူး။ ကျနော့်လိုပဲ ရွှေလီ၊ ကျယ်ဂေါင်ဘက် ဝင်ဖို့ စောင့်နေကြတာ တော်တော်များများ တွေ့ခဲ့တယ်။ ရွှေလီမြို့ဘက်မှာ ကိုဗစ်ရောဂါ တွေ့ရှိနှုန်းတွေ တအားများနေလို့ မြန်မာဘက်ဝင်လာရင် ရောဂါပြန့်မှာ စိုးရိမ်လို့ဆိုပြီး ပြောသံကြားရပါတယ်”ဟု မူဆယ်မြို့ခံတစ်ဦးကပြောသည်။

တကယ်လို့များ ဂိတ်ဖွင့်လိုက်ရင် သေချာပေါက်မူဆယ်ဖက်အခြမ်းကို ဝင်လာမှာ ။ မူဆယ်ကနေပြီးတော့ ဗမာပြည်ထဲကို ရောက်မယ်။ ဒါ့ကြောင့် မနေ့က အစည်း အဝေးကနေပြီးတော့ ကိုဗစ်ကျန်းမာရေးကို ရှေးရှုပြီးတော့ကျန်းမာ ရေးအကြောင်းပြချက်နဲ့ ဗမာဖက်အခြမ်းကတော့ မဖွင့်သေး ပါဘူး” ဟု မူဆယ်ဆန်စပါးကုန်စည်ဒိုင် ဥက္ကဋ္ဌ ဦးမင်းသိ မ်းက အခြေအနေကို ရှင်းပြသည်။

မြန်မာ-တရုတ်နယ်စပ်ရှိ နန်းတော်ဂိတ်၊ ဆင်ဖြူဂိတ်နှင့် မန့်ဝိန်းဂိတ်များကို ပြီးခဲ့သည့် ၂၀၂၀ ခုနှစ်မှစတင်ကာ ကိုဗစ်ကပ်ရောဂါ ထိန်းချုပ်ကာကွယ်ရေး စည်းကမ်းများနှင့်အညီ နှစ်ဘက်အစိုးရမှ ပိတ်ထားခဲ့ခြင်းဖြစ်ပြီး ဇန်နဝါရီလ ၈ ရက်နေ့ နံနက်(၈)နာရီမှစ၍ တရုတ်-မြန်မာ နယ်စပ်ဂိတ်လမ်းကြောင်းဖြစ်သော ရွှေလီနယ်စပ်ဂိတ် ကျယ်ဂေါင်နန်းတော်ဂိတ်၊ ကုန်ပစ္စည်းစခန်းနှင့် တရုတ်-မြန်မာဈေးစသည့် လမ်းကြောင်းသုံးခု၌ လူ၊ ကုန်ပစ္စည်း ဖြတ်သန်းသွားလာမှုကို ပြန်လည်ဖွင့်လှစ်မည်ဖြစ်ကြောင်း မြန်မာနိုင်ငံဆိုင်ရာ တရုတ်သံရုံး၏ လူမှုကွန်ရက်စာမျက်နှာမှတဆင့် ဇန်နဝါရီလ ၅ ရက်နေ့တွင် ထုတ်ပြန်ခဲ့သည်။

ကောင်းကောင်း

Original works by shin@PaukPhaw Network: https://www.paukphaw.org/2023/01/11/14726/

(0)
打赏 WeChat PaukPhaw WeChat PaukPhaw
上一篇 1月 9, 2023 5:24 下午
下一篇 1月 11, 2023 11:16 上午

Related Posts

发表评论

登录后才能评论
WeChat ID
ပေါက်ဖော် Pauk Phaw: All for the brotherhood of the peoples of Myanmar and China, understanding, exchange, cooperation and .....