တရုတ်-မြန်မာ ယဉ်ကျေးမှု ဆိုင်ရာဆွေးနွေးပွဲ ရန်ကုန် တရုတ်ယဉ်ကျေးမှုစင်တာ၌ ကျင်းပ

တရုတ်-မြန်မာ ယဉ်ကျေးမှု ဆိုင်ရာဆွေးနွေးပွဲ ရန်ကုန် တရုတ်ယဉ်ကျေးမှုစင်တာ၌ ကျင်းပ

တရုတ်-မြန်မာ ယဉ်ကျေးမှု ဆိုင်ရာဆွေးနွေးပွဲ ရန်ကုန် တရုတ်ယဉ်ကျေးမှုစင်တာ၌ ကျင်းပ

မြန်မာနိုင်ငံဆိုင်ရာတရုတ်သံရုံးဦးစီးကျင်းပသည့် “ကမ္ဘာလုံးဆိုင်ရာ ယဉ်ကျေးမှုအဆိုပြုချက်အား လက်တွေ့ကျင့်သုံး၍ တရုတ်-မြန်မာ ယဉ်ကျေးမှု ကူးလူးဖလှယ်မှုနှင့် အပြန်အလှန်လေ့လာ အတုယူမှု နက်ရှိုင်းစေခြင်း” ဆွေးနွေးပွဲကို ဇူလိုင်လ ၇ ရက်နေ့က ရန်ကုန် တရုတ်ယဉ်ကျေးမှုစင်တာ၌ ကျင်းပခဲ့ကြောင်း သိရသည်။

ဆွေးနွေးပွဲသို့ မြန်မာနိုင်ငံ ယဉ်ကျေးမှု၊ ခရီးသွားလာရေးနှင့် ပြန်ကြားရေးဆိုင်ရာ ဝန်ကြီးဌာနများမှ ရန်ကုန်မြို့ရှိ တာဝန်ခံများ၊ သတင်းမီဒီယာများ၊ စာရေးဆရာအသင်း၊ ခရီးသွားလုပ်ငန်းအဖွဲ့ချုပ် စသည့် အရပ်ဘက်အဖွဲ့အစည်းများ၊ တက္ကသိုလ်ကျောင်းအုပ်ကြီးများနှင့် ကျောင်းသားကျောင်းသူ ကိုယ်စားလှယ်များ စုစုပေါင်း လူဦးရေ ၇၀ ကျော် တက်ရောက်သည်။

တရုတ်-မြန်မာ ယဉ်ကျေးမှု ဆိုင်ရာဆွေးနွေးပွဲ ရန်ကုန် တရုတ်ယဉ်ကျေးမှုစင်တာ၌ ကျင်းပတရုတ်-မြန်မာ ယဉ်ကျေးမှု ဆိုင်ရာဆွေးနွေးပွဲ ရန်ကုန် တရုတ်ယဉ်ကျေးမှုစင်တာ၌ ကျင်းပ

ဆွေးနွေးပွဲကို သံမှူး Mr. Pan Feng ဦးဆောင်ကျင်းပပြီး အမှာစကားပြောကြားရာတွင် ယခုနှစ် မတ်လတွင် သမ္မတ Mr. Xi Jinping သည် ကမ္ဘာလုံးဆိုင်ရာ ယဉ်ကျေးမှုအဆိုပြုချက်ကို အဆိုပြုခဲ့ပြီး နိုင်ငံအသီးသီးမှ ပြည်သူများ စည်းလုံးညီညွတ်စွာ ပူးပေါင်းဆောင်ရွက်မှုကို တိုးမြှင့်ကြရန်၊ ဘုံစိန်ခေါ်မှုများကို အတူလက်တွဲ ရင်ဆိုင်ဖြေရှင်းရန် ဟူသော အရေးကြီးလိုအပ်ချက်များအတွက် အချိန်မီ တုံ့ပြန်ခဲ့ကြောင်း၊ ၎င်းတွင် ကမ္ဘာ့ယဉ်ကျေးမှု မတူကွဲပြားမှုများကို လေးစားရန်၊ လူသားအားလုံး၏ ဘုံတန်ဖိုးများကို ပြန့်ပွားစေရန်၊ ယဉ်ကျေးမှု အမွေဆက်ခံခြင်းနှင့် ဆန်းသစ်တီထွင်ခြင်းကို အလေးထားရန်၊ နိုင်ငံအသီးသီးမှပြည်သူများ၏ အပြန်အလှန်သိရှိနားလည်မှုနှင့် ချစ်ကြည်ရင်းနှီးမှုများကို တိုးမြှင့်ရန် ဟူ၍ကဏ္ဍလေးရပ်ဆိုင်ရာ အဆိုပြုမှုများ ပါဝင်ကြောင်း ပြောကြားခဲ့သည်။

ဆက်လက်ပြီး သံမှူးက တရုတ်-မြန်မာ နှစ်နိုင်ငံသည် တောတောင်ရေမြေချင်း ဆက်စပ်နေပြီး ရှည်လျားနက်ရှိုင်းသော ယဉ်ကျေးမှုရေစက်နှင့် လူပုဂ္ဂိုလ်ရေစက်များ ရှိကြောင်း၊ မိမိတို့သည် မြန်မာ့နယ်ပယ်အသီးသီးနှင့်အတူ ကမ္ဘာလုံးဆိုင်ရာ ယဉ်ကျေးမှုအဆိုပြုချက်ကို လက်တွေ့ကျင့်သုံးရန်၊ တရုတ်-မြန်မာ ဆွေမျိုးပေါက်ဖော်ချစ်ကြည်ရေးကို ပြန့်ပွားစေရန်၊ အပြန်အလှန်လေ့လာအတုယူခြင်းနှင့် ကူးလူးဖလှယ်ခြင်းဖြင့် တရုတ်-မြန်မာ အေးအတူပူအမျှအသိုက်အဝန်း အတူတကွတည်ဆောက်ရေးအတွက် ကြိုးပမ်းဆောင်ရွက်ရန် ဆန္ဒရှိကြောင်း ပြောကြားခဲ့သည်။

ဆွေးနွေးပွဲတွင် မြန်မာနိုင်ငံ သတင်းမီဒီယာကောင်စီနှင့် မြန်မာနိုင်ငံ စာရေးဆရာအသင်း ဥက္ကဋ္ဌ ဦးအုန်းမောင်က တရုတ်နိုင်ငံနှင့်အတူ အဆိုပြုချက်သုံးရပ်ကို လက်တွေ့ကျင့်သုံးပြီး တရုတ်-မြန်မာ မီဒီယာနှင့် စာပေ စသည့်ကဏ္ဍများ၌ ကူးလူးဖလှယ်မှုနှင့် ပူးပေါင်းဆောင်ရွက်မှုများ နက်နက်ရှိုင်းရှိုင်း ဆောင်ရွက်သွားရန် ဆန္ဒရှိကြောင်း ပြောကြားခဲ့သည်။

ထို့နောက် ရန်ကုန်တက္ကသိုလ် ဒုတိယပါမောက္ခချုပ် ဒေါက်တာချိုချိုက သမ္မတ Mr. Xi Jinping ၏ ဆွေးနွေးညှိနှိုင်း ပူးပေါင်းဆောင်ရွက်ရန် အဆိုပြုမှုကို ထောက်ခံကြောင်း၊ အဆိုပြုချက်ကို လက်တွေ့ကျင့်သုံးခြင်းဖြင့် နှစ်နိုင်ငံပြည်သူများအကြား နားလည်မှုနှင့် လေးစားမှုများကို ပိုမိုနက်ရှိုင်းစေမည်ဟု ယုံကြည်ကြောင်း ပြောကြားသည်။

ဆက်လက်ပြီး မြန်မာနိုင်ငံ ခရီးသွားလုပ်ငန်းအဖွဲ့ချုပ် ဥက္ကဌ ဦးရန်ဝင်းက တရုတ်နိုင်ငံ၏ အဆိုပြုမှုနှင့် လမ်းညွှန်မှုအောက်၌ ကပ်ရောဂါအလွန် တရုတ်-မြန်မာ ခရီးသွားလုပ်ငန်း ကူးလူးဖလှယ်မှုများကို အမြန်ဆုံးပြန်လည်စတင်နိုင်ရန် မျှော်လင့်ကြောင်း ပြောကြားသည်။

ထို့အတူ မြန်မာနိုင်ငံ အပြည်ပြည်ဆိုင်ရာထေရဝါဒဗုဒ္ဓသာသနာပြုတက္ကသိုလ် ဒုတိယပါမောက္ခချုပ် ဦးစိန်မော်တော်က ယဉ်ကျေးမှုအဆိုပြုချက်တွင် အဆိုပြုထားသည့် တန်းတူညီမျှမှု၊ အားလုံးပါဝင်မှုသဘောတရားနှင့် ဗုဒ္ဓဘာသာယဉ်ကျေးမှုတို့သည် မတူကွဲပြားသော်လည်း အကျိုးရလဒ်များတူညီကြောင်း၊ အဆိုပြုချက်ကို လက်တွေ့ကျင့်သုံးစဉ်အတွင်း တရုတ်-မြန်မာ ဗုဒ္ဓရေစက်နှင့် ချစ်ကြည်ရင်းနှီးမှုကို လက်ဆင့်ကမ်း အမွေဆက်ခံပြီး ပြန့်ပွားအောင် ဆောင်ရွက်နိုင်မည်ဟု မျှော်လင့်ကြောင်း ပြောကြားသည်။

နယ်ပယ်အသီးသီးမှကိုယ်စားလှယ်များသည် တရုတ်-မြန်မာလူမှုယဉ်ကျေးမှု ကူးလူးဖလှယ်ရေးနှင့် ပူးပေါင်းဆောင်ရွက်ရေးကို တိုးမြှင့်နိုင်ရန် မျှော်လင့်ကြောင်း ပြောကြားကြပြီး ယဉ်ကျေးမှုအဆိုပြုချက်ကို လက်တွေ့ကျင့်သုံးခြင်း မှတစ်ဆင့် နှစ်နိုင်ငံအကြား ယဉ်ကျေးမှု၊ ခရီးသွားလာရေး၊ ဗုဒ္ဓဘာသာ၊ စာပေ၊ ပညာရေး စသည့်ကဏ္ဍများတွင် ကူးလူးဖလှယ်မှုများနှင့် အပြန်အလှန်လေ့လာအတုယူမှုများ ပိုမိုနက်ရှိုင်းစေရေးအတွက် ဘက်ပေါင်းစုံမှ အကြံပြုချက်များ ပေးအပ်ကြကြောင်း မြန်မာနိုင်ငံဆိုင်ရာ တရုတ်သံရုံး၏ထုတ်ပြန်ချက်အရ သိရသည်။

မြသုခ

Original works by shin@PaukPhaw Network: https://www.paukphaw.org/2023/07/10/%e1%80%90%e1%80%9b%e1%80%af%e1%80%90%e1%80%ba-%e1%80%99%e1%80%bc%e1%80%94%e1%80%ba%e1%80%99%e1%80%ac-%e1%80%9a%e1%80%89%e1%80%ba%e1%80%80%e1%80%bb%e1%80%b1%e1%80%b8%e1%80%99%e1%80%be%e1%80%af/

(0)
打赏 WeChat PaukPhaw WeChat PaukPhaw
上一篇 7月 10, 2023 11:19 上午
下一篇 7月 14, 2023 10:02 上午

Related Posts

发表评论

登录后才能评论
WeChat ID
ပေါက်ဖော် Pauk Phaw: All for the brotherhood of the peoples of Myanmar and China, understanding, exchange, cooperation and .....