မန္တလေးမြို့ ချမ်းမြသာစည်မြို့နယ်တွင် ဘိန်းဖြူများ ဖမ်းဆီးရမိ 

မန္တလေးမြို့ ချမ်းမြသာစည်မြို့နယ်တွင် ဘိန်းဖြူများ ဖမ်းဆီးရမိ 

မန္တလေးမြို့ ချမ်းမြသာစည်မြို့နယ်တွင် ဘိန်းဖြူများ ဖမ်းဆီးရမိ 

မန္တလေးမြို့ ချမ်းမြသာစည်မြို့နယ်တွင် ၃ဘီးယာဉ်တစ်စီးပေါ်မှ ဘိန်းဖြူများ ဖမ်းဆီးရမိကြောင်း သိရသည်။

မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ တပ်ဖွဲ့ဝင်များသည် သြဂုတ်လ ၁၀ ရက်နေ့ ၂၂၀၀ အချိန်က သတင်းအရ သက်သေများနှင့်အတူ မန္တလေးမြို့ ချမ်းမြသာစည်မြို့နယ်၊ မြရည်နန္ဒာရပ်ကွက်၊ ၁၁၄ လမ်းတွင် ၀င်းကိုကိုဦး မောင်းနှင်ပြီး ဒေါ်ထွန်းထွန်းကြည် နှင့် ဒေါ်စောမြိုင် တို့လိုက်ပါလာသည့် ၃ ဘီးယာဥ်အား ရပ်တန့်စစ်ဆေးရှာဖွေရာ ယာဥ်ပေါ်တွင် ၎င်းတို့တင်ဆောင်လာသော စက္ကူဂျပ်ဖာအတွင်းမှ ဆပ်ပြာခွက်များဖြင့် ထည့်ထားသည့် ဘိန်းဖြူ အလေးချိန် ၁.၁ ကီလို(ဒေသကာလပေါက်ဈေးတန်ဖိုးငွေကျပ် ၂၇၅ သိန်း)နှင့် လက်ကိုင်ဖုန်း ၂ လုံးတို့အား တွေ့ရှိ သိမ်းဆည်းရမိခဲ့သည်။

ကွင်းဆက်ဖော်ထုတ်ချက်အရ ၂၂၂၀ အချိန် အဆိုပါ ဘိန်းဖြူများ ရောင်းချသူ ဒေါ်မြင့်မြင့်ခိုင် အား ၎င်းနေထိုင်သည့် ပြည်ကြီးတံခွန်မြို့နယ်၊ သင်ပန်းကုန်းရပ်ကွက်၊ ၁၁၇ x ၁၁၇(A)ကြား၊ ၅၅(C)လမ်းရှိ နေအိမ်တွင်လက်ကိုင်ဖုန်း ၁ လုံးနှင့်အတူ ထပ်မံဖမ်းဆီးရမိခဲ့ခြင်းဖြစ်သည်။

ဖမ်းမိသည့် ၀င်းကိုကိုဦး(၄၄)နှစ်၊ ဒေါ်ထွန်းထွန်းကြည် (၄၃)နှစ်၊ ဒေါ်စောမြိုင်(၅၀)နှစ်နှင့် ဒေါ်မြင့်မြင့်ခိုင် (၅၂)နှစ်တို့အား အောင်ပင်လယ်နယ်မြေရဲစခန်းတွင် မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများဆိုင်ရာ ဥပဒေအရ အမှုဖွင့် အရေးယူထားကြောင်း သိရသည်။

ကိုကျားကြီး

Original works by shin@PaukPhaw Network: https://www.paukphaw.org/2023/08/15/%e1%80%99%e1%80%94%e1%80%b9%e1%80%90%e1%80%9c%e1%80%b1%e1%80%b8%e1%80%99%e1%80%bc%e1%80%ad%e1%80%af%e1%80%b7-%e1%80%81%e1%80%bb%e1%80%99%e1%80%ba%e1%80%b8%e1%80%99%e1%80%bc%e1%80%9e%e1%80%ac%e1%80%85/

(0)
打赏 WeChat PaukPhaw WeChat PaukPhaw
上一篇 8月 15, 2023 9:46 上午
下一篇 8月 15, 2023 3:26 下午

Related Posts

发表评论

登录后才能评论
WeChat ID
ပေါက်ဖော် Pauk Phaw: All for the brotherhood of the peoples of Myanmar and China, understanding, exchange, cooperation and .....