တရုတ်နိုင်ငံထုတ် လျှပ်စစ်ကား၊ လျှပ်စစ်မော်တော်ဆိုင်ကယ်များ ထပ်မံရောက်ရှိလာ

မကြာသေးမီရက်ပိုင်းက တရုတ်နိုင်ငံထုတ် လျှပ်စစ် မော်တော်ယာဉ်၊ လျှပ်စစ်ဆိုင်ကယ်နှင့် ဆိုင်ကယ်အပိုပစ္စည်းများ ရန်ကုန်ဆိပ်ကမ်းသို့ အသီးသီး ထပ်မံရောက်ရှိလာကြောင်း သိရသည်။

အမျိုးသားအဆင့် လျှပ်စစ်သုံးယာဉ်နှင့် ဆက်စပ်လုပ်ငန်းများ ဖွံဖြိုးတိုးတက်ရေးဦးဆောင်ကော်မတီ၏ ခွင့်ပြုချက်ဖြင့် သက်ဆိုင်ရာကုမ္ပဏီများက တင်သွင်းလာခြင်းဖြစ်ပြီး N.P.K Motors Co., Ltd. မှ တရုတ်နိုင်ငံထုတ် Leapmotor, C11 အမျိုးအစား လျှပ်စစ်သုံးမော်တော်ယာဉ်များ၊ Leapmotor, T03 (Luxury) အမျိုးအစား လျှပ်စစ်သုံးမော်တော်ယာဉ်များ၊ Myanmar Arr Thit Man Motor Co., Ltd. မှ တရုတ်နိုင်ငံထုတ် Faw Bestune Nat E05 အမျိုးအစား လျှပ်စစ်သုံးယာဉ်များ၊ တရုတ်နိုင်ငံထုတ် AIMA အမျိုးအစား လျှပ်စစ်သုံးမော်တော်ဆိုင်ကယ်များနှင့် ဆိုင်ကယ်အပိုပစ္စည်းများ တင်သွင်းလာခြင်းဖြစ်သည်။

အဆိုပါ တရုတ်နိုင်ငံထုတ် လျှပ်စစ် မော်တော်ယာဉ်၊ လျှပ်စစ်ဆိုင်ကယ်နှင့် ဆိုင်ကယ်အပိုပစ္စည်းများသည် ရန်ကုန်ဆိပ်ကမ်းသို့ မတ်လ ၇ ရက်နေ့က ရောက်ရှိလာသဖြင့် လုပ်ထုံးလုပ်နည်းနှင့်အညီ ထုတ်ယူခွင့်ပြုခဲ့ပြီး ဖြစ်ကြောင်း သိရသည်။

မြသုခ

Original works by shin@PaukPhaw Network: http://www.paukphaw.org/2024/03/11/%e1%80%90%e1%80%9b%e1%80%af%e1%80%90%e1%80%ba%e1%80%94%e1%80%ad%e1%80%af%e1%80%84%e1%80%ba%e1%80%84%e1%80%b6%e1%80%91%e1%80%af%e1%80%90%e1%80%ba-%e1%80%9c%e1%80%bb%e1%80%be%e1%80%95%e1%80%ba%e1%80%85/