နာဂဒေသပန်ဆောင်မြို့တွင် မိုးသည်းထန်ပြီး မိုးသီးများကြွေကျ၍ အဆောက်အဦးအမိုးများ ပေါက်ပြဲ
စစ်ကိုင်းတိုင်းဒေသကြီး နာဂဒေသ ၊ နန်းယွန်းမြို့နယ် ပန်ဆောင်မြို့တွင် ဧပြီလ ၆ ရက် မွန်းတည့် ၁၂ နာရီခန့်က မိုးသည်းထန်ပြီး မိုးသီးများ ကြွေကျခဲ့ရာ အဆောက်အဉီးအချို့ အမိုးများပေါက်ပြဲခဲ့ကြောင်းသိရသည်။
ကွင်းဆင်းစစ်ဆေးရေးအဖွဲ့၏ စစ်ဆေးချက်အရ မြို့အုပ်ချုပ်ရေးမှူးရုံး၊ မြို့အုပ်ချုပ်ရေးမှူးနေအိမ်၊ အထက ကျောင်းမှ ဝန်ထမ်းအိမ်ရာ ၃ လုံး၊ KG ဆောင် ၁ လုံး၊ အောင်ဆန်းခန်းမ ၁ လုံး၊ အထက်ရပ်ကွက်စျေးတန်း ၉ လုံး၊ ပန်ဆောင်မြို့မဘုန်းကြီးကျောင်း ၁ ကျောင်းနှင့် ဆေးဆိုင် ၁ ဆိုင်၊ စိုက်ပျိုးရေးရုံး၊ ဆက်သွယ်ရေးရုံးရှိ အဆောက်အဦများ အမိုးပေါက်ပြဲ ပျက်စီးဆုံးရှုံးမှုအား စစ်ဆေးတွေ့ရှိခဲ့ကြောင်း သိရသည်။
မိုးသီးဒဏ်ကြောင့် ပျက်ဆီးဆုံးရှုံးမှုကာလပေါက်စျေးသည် ငွေကျပ် ၂၁၄သိန်းကျော် ဖြစ်ပြီး လူ၊တိရစ္ဆာန်များ ထိခိုက်သေဆုံးမှုမရှိကြောင်း စစ်ဆေးချက်အရသိရသည်။
ဈာန်ထူးကို
Original works by shin@PaukPhaw Network: http://www.paukphaw.org/2024/04/09/%e1%80%94%e1%80%ac%e1%80%82%e1%80%92%e1%80%b1%e1%80%9e%e1%80%95%e1%80%94%e1%80%ba%e1%80%86%e1%80%b1%e1%80%ac%e1%80%84%e1%80%ba%e1%80%99%e1%80%bc%e1%80%ad%e1%80%af%e1%80%b7%e1%80%90%e1%80%bd%e1%80%84/