ရန်ကုန်-မန္တလေးလမ်းဟောင်းတွင် ကွန်တိန်နာ(၂၂)ဘီးယာဉ် မီးလောင်မှုဖြစ်ပွား
မန္တလေးတိုင်းဒေသကြီး၊ ပျော်ဘွယ်မြို့နယ်၊ ရန်ကုန်-မန္တလေးလမ်းဟောင်း၊ မိုင်တိုင်အမှတ်၂၉၁/၆ နှင့် ၂၉၁/၇ အကြားတွင် မေလ ၄ ရက်နေ့ နံနက် ၅ နာရီအချိန်ခန့်က Fuso အမျိုးအစား ကွန်တိန်နာ(၂၂)ဘီးယာဉ် မီးလောင်မှု ဖြစ်ပွားကြောင်း သိရသည်။
အဆိုပါမီးလောင်ရာသို့ ပျော်ဘွယ်မြို့နယ်မီးသတ်စခန်းမှ မီးငြှိမ်းသတ်ယာဉ်(၁)စီး၊ မီးသတ်ရေသယ်ယာဉ်(၁)စီး၊ ပြည်သာယာနယ်မြေမီးသတ်စခန်းမှ အုပ်ချုပ်မှုယာဉ်(၁)စီး၊ မီးသတ်ရေသယ်ယာဉ်(၁)စီးတို့ဖြင့် သွားရောက်ငြှိမ်းသတ်ခဲ့ကြသည်။
နံနက် ၅ နာရီ ၃၀ မိနစ်အချိန်တွင် မီးငြိမ်းသွားခဲ့ပြီး မည်သည့်အတွက်ကြောင့် မီးလောင်ကျွမ်းခဲ့သည်ကို မသိရသေးကြောင်း သိရသည်။
ကိုကျားကြီး
Original works by shin@PaukPhaw Network: http://www.paukphaw.org/2024/05/07/%e1%80%9b%e1%80%94%e1%80%ba%e1%80%80%e1%80%af%e1%80%94%e1%80%ba-%e1%80%99%e1%80%94%e1%80%b9%e1%80%90%e1%80%9c%e1%80%b1%e1%80%b8%e1%80%9c%e1%80%99%e1%80%ba%e1%80%b8%e1%80%9f%e1%80%b1%e1%80%ac-2/