ကမ္ဘာ့ဆင်များနေ့အထိမ်းအမှတ်အဖြစ် ပလင်းကမ်းသာယာ ဆင်စခန်းတွင် ဆင်စာဘူဖေးကျွေး

ဩဂုတ်လ ၁၂ ရက်နေ့တွင် ကျရောက်သော ကမ္ဘာ့ဆင်များနေ့ အထိမ်းအမှတ်အဖြစ် မန္တလေးတိုင်းဒေသကြီး ညောင်ဦးမြို့နယ်၊ အနောက်ပုလင်းကျေးရွာအနီးတွင် ဖွင့်လှစ်ထားသည့် ပလင်းကမ်းသာယာဆင်စခန်းတွင် ဆင်များအား ဆင်စာဘူဖေးကျွေးမွေးခြင်း အစီအစဉ်ကို သြဂုတ်လ (၁၂) ရက်နေ့က ပြုလုပ်ခဲ့ကြောင်း သိရသည်။

ဆင်စာဘူဖေးအဖြစ် နာနတ်သီး၊ ဖရဲသီး၊ ငှက်ပျောသီး၊ သခွားသီး၊ ရွှေဖရုံသီး၊ သရက်သီး၊ ကြံ၊ နေပီယာမြက်၊ ကိုင်းမြက်၊ ဝါးရွက်၊ ပြောင်းဖူးတို့အား ကျွေးမွေးခဲ့ကြခြင်းဖြစ်သည်။

ကမ္ဘာ့ဆင်များနေ့ အထိမ်းအမှတ်အခမ်းအနားကျင်းပရာတွင် ဆင်များ ဘောလုံးကစားခြင်း၊ မြစ်ကမ်းဘေးတစ်လျှောက်ဆင်များ လွှတ်ပေးထားခြင်းတို့ကိုလည်း ပြုလုပ်ခဲ့သည်။

ကမ္ဘာ့ဆင်များနေ့ (World Elephant Day) အဖြစ် နှစ်စဉ် ဩဂုတ်လ ၁၂ ရက်နေ့တွင် သတ်မှတ်ထားရှိပြီး အဆိုပါနေ့ တွင် ကမ္ဘာပေါ်ရှိ ဆင်များ ကျက်စားနေထိုင်သည် နိုင်ငံများတွင်ဆင်များ ရေရှည်တည်တံ့စေရေး အထိမ်းအမှတ်အဖြစ် အခမ်းအနားများ ကျင်းပလေ့ရှိကြောင်း သိရသည်။

ကောင်းကောင်း

Original works by shin@PaukPhaw Network: http://www.paukphaw.org/2023/08/15/%e1%80%80%e1%80%99%e1%80%b9%e1%80%98%e1%80%ac%e1%80%b7%e1%80%86%e1%80%84%e1%80%ba%e1%80%99%e1%80%bb%e1%80%ac%e1%80%b8%e1%80%94%e1%80%b1%e1%80%b7%e1%80%a1%e1%80%91%e1%80%ad%e1%80%99%e1%80%ba%e1%80%b8/