တရုတ်-မြန်မာနယ်စပ်ကျောင်းများ သိပ္ပံအသိပညာပေးလှုပ်ရှားမှုနှင့် သိပ္ပံဆရာဆရာမများ စွမ်းရည်မြှင့်တင်ရေးသင်တန်း ဖွင့်လှစ်
တရုတ်-မြန်မာနယ်စပ်စာသင်ကျောင်းများတွင် သိပ္ပံအသိပညာပေးလှုပ်ရှားမှုနှင့် တရုတ်-မြန်မာနယ်စပ် နန်းတော်ဂိတ်မူလတန်းကျောင်း သိပ္ပံဆရာဆရာမများ စွမ်းရည်မြှင့်တင်ရေးသင်တန်း ဖွင့်လှစ်ခြင်း အခမ်းအနားကို မတ်လ ၂၆ ရက်နေ့တွင် တရုတ်နိုင်ငံ ယူနန်ပြည်နယ် ရွှေလီမြို့၌ ကျင်းပကြောင်း သိရသည်။
အဆိုပါအခမ်းအနားသို့ တရုတ်-မြန်မာလူငယ်များ၊ သိပ္ပံဆရာဆရာမများ၊ သိပ္ပံပညာရှင်အဖွဲ့များဖြင့် လူဦးရေ ၂၅၀၀ ခန့်ပါဝင်တက်ရောက်ခဲ့ကြောင်း မြန်မာနိုင်ငံဆိုင်ရာ တရုတ်သံရုံး၏ ထုတ်ပြန်ချက်အရ သိရသည်။
ဆရာဆရာမများနှင့် ကျောင်းသားကျောင်းသူများသည် စာသင်ကျောင်းအသိပညာပေး မိုးလေဝသသခန်း လက်တွေ့ဖော်ဆောင်မှု လှုပ်ရှားမှုနှင့် မိုးလေဝသ သိပ္ပံအသိပညာပေးကြေညာချက်၊ သိပ္ပံပစ္စည်းကိရိယာအမျိုးမျိုးပြသမှု၊ သိပ္ပံပညာပေးစာအုပ်ပြခန်း၊ မီးဘေးလုံခြုံမှုစက်ပစ္စည်းပြသမှု၊ တောရိုင်းတိရစ္ဆာန် ကာကွယ်စောင့်ရှောက်ရေး၊ မူးယစ်ဆေးဝါးတိုက်ဖျက်ရေးနှင့် ခုခံအားကျဆင်းမှုရောဂါကာကွယ်ရေး၊ အရေးပေါ်တုံ့ပြန်မှုနှင့် သဘာဝဘေးအန္တရာယ်လျှော့ချရေး သိပ္ပံပညာပေးပြခန်း စသည့်လှုပ်ရှားမှုများ ဆောင်ရွက်ခဲ့ကြကြောင်း သိရသည်။
မြသုခ
Original works by shin@PaukPhaw Network: http://www.paukphaw.org/2024/04/02/%e1%80%90%e1%80%9b%e1%80%af%e1%80%90%e1%80%ba-%e1%80%99%e1%80%bc%e1%80%94%e1%80%ba%e1%80%99%e1%80%ac%e1%80%94%e1%80%9a%e1%80%ba%e1%80%85%e1%80%95%e1%80%ba%e1%80%80%e1%80%bb%e1%80%b1%e1%80%ac%e1%80%84/
WeChat PaukPhaw 
