ကမ္ဘာ့ငြိမ်းချမ်းရေးတက္ကသိုလ်၌ ငြိမ်းချမ်းရေးဆုတောင်းပွဲအခမ်းအနားကျင်းပ

မြန်မာ-တရုတ်ချစ်ကြည်ရေးအသင်း(မန္တလေး)၊ ပင်လယ်ရပ်ခြားတရုတ်လူမှုရေးအသင်း၊ ကွန်ရက်ပေါက်ဖော်တို့မှ ကြီးမှူးကျင်းပသော ငြိမ်းချမ်းရေးဆုတောင်းပွဲအခမ်းအနားကို ဒီဇင်ဘာလ ၇ ရက်နေ့ နံနက်ပိုင်းက မန္တလေးတိုင်းဒေသကြီး၊ ပုသိမ်ကြီးမြို့နယ် ရန်ကင်းတောင်ခြေရှိ ကမ္ဘာ့ငြိမ်းချမ်းရေးတက္ကသိုလ်၌ ကျင်းပပြုလုပ်သည်။

အခမ်းအနားကို နမောတဿ သုံးကြိမ်ရွတ်ဆို ဖွင့်လှစ်ပြီး ဧည့်ပရိတ်သတ်များက ကမ္ဘာ့ငြိမ်းချမ်းရေးတက္ကသိုလ်၊ ပါမောက္ခချုပ်ဆရာတော် ဒေါက်တာဦးဇောတိက ထံမှ ငါးပါးသီလခံယူကြသည်။

ထို့နောက် မြန်မာတရုတ်ချစ်ကြည်ရေးအသင်း (မန္တလေး) ဥက္ကဋ္ဌ ဦးပိုမြင့် က အဖွဲ့အစည်းများအကြောင်းကို ရှင်းလင်းပြောကြားပြီး ကမ္ဘာ့ငြိမ်းချမ်းရေးတက္ကသိုလ်၊ တရုတ်စာပေဌာန၊ ပါမောက္ခ၊ ဌာနမှူး ဒေါက်တာထွန်းနိုင် က ပွဲကျင်းပရခြင်း၏ ရည်ရွယ်ချက်ကို လျှောက်ထားသည်။

ဆက်လက်ပြီး ကမ္ဘာ့ငြိမ်းချမ်းရေးတက္ကသိုလ်၊ ပါမောက္ခချုပ် ဆရာတော်ဘုရားကြီးမှ ငြိမ်းချမ်းရေးတရား ဟောကြားတော်မူပြီးနောက် သံဃာတော်များအား လှူဖွယ်ဆက်ကပ်လှူဒါန်းကြောင်း သိရသည်။

မောင်ဘဦး

Original works by shin@PaukPhaw Network: http://www.paukphaw.org/2023/12/08/%e1%80%80%e1%80%99%e1%80%b9%e1%80%98%e1%80%ac%e1%80%b7%e1%80%84%e1%80%bc%e1%80%ad%e1%80%99%e1%80%ba%e1%80%b8%e1%80%81%e1%80%bb%e1%80%99%e1%80%ba%e1%80%b8%e1%80%9b%e1%80%b1%e1%80%b8%e1%80%90%e1%80%80/