မြို့နယ်အဆင့် နာဂရိုးရာနှစ်သစ်ကူးပွဲတော် လဟယ်မြို့တွင် ကျင်းပ
၂၀၂၄ ခုနှစ် မြို့နယ်အဆင့် နာဂရိုးရာနှစ်သစ်ကူးပွဲတော်ကို စစ်ကိုင်းတိုင်းဒေသကြီး၊ နာဂကိုယ်ပိုင်အုပ်ချုပ်ခွင့်ရဒေသ၊ လဟယ်မြို့ ရွှေပြည်သာ အားကစားကွင်းတွင် ဇန်နဝါရီလ ၁၅ ရက်နေ့က ကျင်းပသည်။
နာဂရိုးရာနှစ်သစ်ကူးပွဲတော်တွင် သဘာပတိ ဦးပါတင် က အဖွင့်အမှာစကား ပြောကြားပြီး နာဂတိုင်းရင်းသူ ဒေါ်ညီကီဟွမ်း က နာဂရိုးရာဖြစ်ပေါ်လာပုံ သမိုင်းအကျဉ်းကို ဖတ်ကြားသည်။
ထို့နောက် ၂၀၂၄ခုနှစ် နာဂရိုးရာနှစ်သစ်ကူးပွဲတော်ဖြစ်မြောက်ရေးအတွက် ထောက်ပံ့ပေးအပ်ခဲ့ကြသော ကော်မတီဝင်များအား နာဂရိုးရာစာပေနှင့်ယဉ်ကျေးမှုကော်မတီ ဥက္ကဋ္ဌ ဦးပေါင်ခု က နှစ်သစ်ကူးလက်ဆောင်များ ပေးအပ်ချီးမြှင့်သည်။
နာဂရိုးရာအခမ်းအနားသို့ တက်ရောက်ကြသော ဒေသ/မြို့နယ်အဆင့်ဌာနဆိုင်ရာများ ပျော်ပွဲလာပရိသတ်များကို နာဂရိုးရာ အစားအစာများဖြင့် ဧည့်ခံကျွေးမွေးခဲ့ပြီး ညနေ(၅)နာရီတွင် နာဂတိုင်းရင်းသားမျိုးနွယ်စု(၆)မျိုး၏ အကပဒေသာများနှင့် ခေတ်သစ်အကများဖြင့် ဖျော်ဖြေတင်ဆက်သွားကြောင်း သိရသည်။
စျာန်ထူးကို
Original works by shin@PaukPhaw Network: http://www.paukphaw.org/2024/01/16/%e1%80%99%e1%80%bc%e1%80%ad%e1%80%af%e1%80%b7%e1%80%94%e1%80%9a%e1%80%ba%e1%80%a1%e1%80%86%e1%80%84%e1%80%ba%e1%80%b7-%e1%80%94%e1%80%ac%e1%80%82%e1%80%9b%e1%80%ad%e1%80%af%e1%80%b8%e1%80%9b%e1%80%ac/