တရုတ်ပညာတော်သင် မြန်မာကျောင်းသားများ၏ နှစ်သစ်ကူးစကားဝိုင်းကျင်းပ

မြန်မာနိုင်ငံဆိုင်ရာတရုတ်သံရုံးမှ ကြီးမှူးပြီး တရုတ်ပညာတော်သင် မြန်မာကျောင်းသားများ၏ နှစ်သစ်ကူးစကားဝိုင်းကို ဖေဖော်ဝါရီလ ၃ ရက်နေ့က ရန်ကုန်တရုတ်ယဉ်ကျေးမှုစင်တာ၌ ကျင်းပခဲ့ကြောင်း သိရသည်။

အခမ်းအနားသို့ တရုတ်ပညာတော်သင် မြန်မာကျောင်းသားများ၊ တရုတ်ပညာတော်သင်ကျောင်းသားများ၊ ရန်ကုန် အထက်တန်းကျောင်း၊ အခြေခံပညာရေးကျောင်း၊ တရုတ်ဘာသာပညာရေး အဖွဲ့အစည်းများမှ ဆရာကျောင်းသားကိုယ်စားလှယ်များ တက်ရောက်ခဲ့ကြသည်။

အဆိုပါစကားဝိုင်းသို့ သံမှူး Mr. Pan Feng မှတက်ရောက်ကာ အမှာစကားပြောကြားရာတွင် တရုတ်နှစ်သစ်ကူးပွဲတော်သည် တရုတ်နိုင်ငံ၏ အရေးကြီးသော ရိုးရာပွဲတော်ဖြစ်ပြီး တရုတ်ရိုးရာယဉ်ကျေးမှု၏ အနှစ်သာရကို စုစည်းထားကြောင်း၊ တရုတ်နှစ်သစ်ကူး ရိုးရာပွဲသည် နိုင်ငံနှင့် ဒေသပေါင်း ၂၀၀ နီးပါး၌ ပြုလုပ်လျက်ရှိကြောင်း၊ ကမ္ဘာလုံးဆိုင်ရာ ယဉ်ကျေးမှုပွဲကြီးတစ်ခု ဖြစ်လာပါကြောင်း၊ တရုတ်ပညာတော်သင် မြန်မာကျောင်းသားများ ကိုယ်ပိုင်အားသာချက်ကို အသုံးချရန် တိုက်တွန်းကြောင်း၊ နှစ်နိုင်ငံပြည်သူများ ကြားသိမြင်လိုတဲ့ နည်းလမ်းကို ပိုမိုအသုံးပြုပြီး ပညာတော်သင်အတွေ့အကြုံနှင့် တရုတ်-မြန်မာချစ်ကြည်ရေး ဇာတ်လမ်းများကို ရှင်းလင်းပြောပြကြပါရန် ပြောကြားခဲ့ပါသည်။

စင်ကာပူနိုင်ငံဆိုင်ရာ မြန်မာသံရုံးယာယီတာဝန်ခံ ဦးဇော်ဇော်စိုးသည် ဗီဒီယိုမှတစ်ဆင့် အမှာစကားပြောကြားရာ၌ တရုတ်ပြည်တွင်ပညာသင်ခဲ့ရသောအတွေ့အကြုံများကို သတိရတမ်းတ မိပါကြောင်း၊ ဘာသာစကားသင်ယူခြင်းသည် အမြင်ကျယ်စေပြီး တွေးခေါ်ဆုံးဖြတ်နိုင်စွမ်းကို မြှင့်တင် နိုင်ကာ ဘဝအတွက်ထာဝရအကျိုးပြုနိုင်ပါကြောင်း၊ ပညာတော်သင်လူငယ်များအနေဖြင့် မြင့်မားသောရည်မှန်းချက်ထားရှိပြီး တရုတ်-မြန်မာနှစ်နိုင်ငံ ဆက်ဆံရေးတံတားကို တည်ဆောက်ကာ တရုတ်-မြန်မာ ချစ်ကြည်ရေးနှင့်ပူးပေါင်းဆောင်ရွက်မှုကို အတူတကွ မြှင့်တင်ကြရန် မျှော်လင့်မိကြောင်း ပြောကြားခဲ့သည်။

တရုတ်ပညာတော်သင်ကိုယ်စားလှယ်မှ တရုတ်ပြည်၌ ပညာသင်ကြားခဲ့သောအတွေ့အကြုံ များ၊ ပညာတော်သင်ကျောင်းသားများလိုက်နာရသောစည်းကမ်းများ၊ အလုပ်အကိုင်အခွင့်အလမ်းများ စသည့်ခေါင်းစဉ်ဖြင့် စည်းကားစွာ ကူးလူးဖလှယ်ခဲ့ကြပြီး တရုတ်ပြည်၌ ပညာသင်ကြားရခြင်းသည် အကျိုးများစွာရရှိစေကာ အလုပ်ခွင်နယ်ပယ်တွင် များစွာအထောက်အကူဖြစ်စေကြောင်း၊ တရုတ်နိုင်ငံသို့ ပညာတော်သင်ရန် ရောက်ရှိပြီးဖြစ်သောကျောင်းသားများနှင့် ပညာတော်သင်သွားရန် စိတ်အားထက်သန်နေသော ကျောင်းသားများအနေဖြင့် အခွင့်အရေးကို မြတ်နိုးတန်ဖိုးထားကြရန်၊ အထူးပြုဘာသာရပ်ကို ကောင်းစွာသင်ယူရင်း အခြားသော သင်ရိုးပြင်ပ လှုပ်ရှားမှုများ၌လည်း ပါဝင်ဆင်နွှဲကြရန်၊ တရုတ်နိုင်ငံ၏ ရောင်စုံအလှတရားကို နွေးထွေးစွာခံစားကြရန် အကြံပေးလိုပါကြောင်း ပြောကြားခဲ့သည်။

ကူးလူးဖလှယ်ဆက်ဆံမှုအပိုင်း ပြီးဆုံးပြီးနောက် ပညာတော်သင်ကျောင်းသားများက လက်ဖက်အနုပညာ၊ ဖက်ထုပ်ထုပ်ခြင်း၊ နှစ်သစ်ကူးစာလုံး လက်ရေးလှရေးသားခြင်း၊ နှစ်သစ်ကူးဗဟုသုတအမေးအဖြေ၊ ဒြပ်မဲ့ယဉ်ကျေးမှုအမွေအနှစ်အတွေ့အကြုံ စသည့် ရိုးရာယဉ်ကျေးမှုပွဲများတွင် ပါဝင်ဆင်နွှဲခဲ့ကြကြောင်း သိရသည်။

မြသုခ

၎

င

၎

Original works by shin@PaukPhaw Network: http://www.paukphaw.org/2024/02/08/%e1%80%90%e1%80%9b%e1%80%af%e1%80%90%e1%80%ba%e1%80%95%e1%80%8a%e1%80%ac%e1%80%90%e1%80%b1%e1%80%ac%e1%80%ba%e1%80%9e%e1%80%84%e1%80%ba-%e1%80%99%e1%80%bc%e1%80%94%e1%80%ba%e1%80%99%e1%80%ac%e1%80%80/