၂၀၂၂ ခုနှစ် လန်ချန်း-မဲခေါင်မြစ်ဝှမ်း ဗုဒ္ဓဘာသာဆိုင်ရာ ကူးလူးဖလှယ်ရေးအစည်းအဝေး ကျင်းပ
မေလ ၇ ရက်နေ့တွင် တရုတ်နိုင်ငံ ဗုဒ္ဓဘာသာအသင်းသည် ၂၀၂၂ ခုနှစ် လန်ချန်း-မဲခေါင်မြစ်ဝှမ်း ဗုဒ္ဓဘာသာဆိုင်ရာ ကူးလူးဖလှယ်ရေးအစည်းအဝေးကို ဗီဒီယိုအသွင်ပုံစံဖြင့် ဦးစီးကျင်းပခဲ့ကြောင်း CRI Myanmar ၏သတင်းဖော်ပြချက်အရ သိရသည်။
အဆိုပါ လန်ချန်း-မဲခေါင်မြစ်ဝှမ်း ဗုဒ္ဓဘာသာဆိုင်ရာ ကူးလူးဖလှယ်ရေးအစည်းအဝေးကို ထိုင်း၊ မြန်မာ၊ ဗီယက်နမ်စသည့်နိုင်ငံများက ဗုဒ္ဓဘာသာ နယ်ပယ်မှ ကိုယ်စားလှယ် ၃၀ နီးပါးသည် အွန်လိုင်းကနေတစ်ဆင့် တက်ရောက်ခဲ့ကြသည်။
တရုတ်နိုင်ငံ ဗုဒ္ဓဘာသာအသင်းဥက္ကဋ္ဌ ဘုန်းတော်ကြီး ယန်ကျွေး က မိန့်ခွန်းပြောကြားရာတွင် လန်ချန်း-မဲခေါင်မြစ်ဝှမ်းဒေသရှိ နိုင်ငံအသီးသီးမှ ဗုဒ္ဓဘာသာအသိုင်းအဝိုင်းသည် လန်ချန်း-မဲခေါင်မြစ်ဝှမ်းဒေသရှိ နိုင်ငံများနှင့် ပြည်သူများကြား အပြန်အလှန်လေးစားမှု၊ ငြိမ်းချမ်းစွာ အတူယှဉ်တွဲနေထိုင်မှု၊ ပူးပေါင်းဆောင်ရွက်ခြင်းဖြင့် အပြန်အလှန်ကျိုးရှိစေရေး၊ အနာဂတ်သို့ အတူ ရှေးရှုချီတက်ရေးတို့ကို တွန်းအားပေးရန် အကျိုးပြုစွမ်းဆောင်သင့်ကြောင်း၊ မတူညီသောဘာသာများကြား အပြန်အလှန်ဆွေးနွေးမှုနှင့် အရှေ့တိုင်းနှင့် အနောက်တိုင်းယဉ်ကျေးမှုများ အကြား အပြန်အလှန် နည်းယူလေ့လာရေးကို တွန်းအားပေးခြင်းဖြင့် လူသားကံကြမ္မာတူ အသိုက်အဝန်း တည်ဆောက်ရေးအတွက် အကျိုးပြု စွမ်းဆောင်သင့် ကြောင်း ပြောကြားခဲ့ကြောင်း သိရသည်။
မြသုခ
Original works by PaukPhaw@PaukPhaw Network: http://www.paukphaw.org/2022/05/15/09ea70cfb8/
WeChat PaukPhaw 
