တရုတ်နိုင်ငံအစိုးရမှ ပံ့ပိုးကူညီသော ကိုဗစ်-၁၉ ကာကွယ်ဆေးများ မြန်မာနိုင်ငံသို့ ထပ်မံရောက်ရှိလာ

တရုတ်နိုင်ငံအစိုးရမှ ပံ့ပိုးကူညီသော ကိုဗစ်-၁၉ ကာကွယ်ဆေးများ မြန်မာနိုင်ငံသို့ ထပ်မံရောက်ရှိလာ

တရုတ်နိုင်ငံအစိုးရမှ မြန်မာနိုင်ငံသို့ ပံ့ပိုးကူညီသော ကိုဗစ်-၁၉ ကာကွယ်ဆေး အကြိမ်ရေ (Doses) ၃ သန်း ဇွန်လ ၇ ရက်နေ့တွင် ရန်ကုန်အပြည်ပြည်ဆိုင်ရာလေဆိပ်သို့ ရောက်ရှိလာကြောင်း သိရသည်။

ကိုဗစ်-၁၉ ရောဂါ ဖြစ်ပွားချိန်မှစ၍ တရုတ်နိုင်ငံအစိုးရသည် မြန်မာနိုင်ငံအတွက် ကိုဗစ်-၁၉ ကာကွယ်ဆေး အကြိမ်ရေ ၆၄ သန်းနှင့် ကပ်ရောဂါကာကွယ်ရေးပစ္စည်းအများအပြားကို တိုက်ရိုက် သို့မဟုတ် တစ်ဆင့်ခံ ပံ့ပိုးပေးခဲ့ပြီး ဖြစ်သည်ဟု မြန်မာနိုင်ငံဆိုင်ရာ တရုတ်သံရုံးက ထုတ်ပြန်သည်။

မကြာသေးမီက မြန်မာနိုင်ငံအစိုးရသည် ကိုဗစ်-၁၉ ကာကွယ်ဆေးများ နောက်ထပ် အကူအညီပေးရန် တရုတ်နိုင်ငံသို့ တောင်းဆိုခဲ့ပြီး အဆိုပါကာကွယ်ဆေးများကို သက်ကြီးရွယ်အိုများ စသည့်အားနည်းသောအုပ်စုများအတွက် အသုံးပြုနိုင်ရန် မျှော်လင့်ထားသည်ဟုဆိုသည်။

တရုတ်နိုင်ငံ၏ ယခုအကြိမ် ကာကွယ်ဆေးအကူအညီပေးမှုသည် မြန်မာနိုင်ငံ၏ လိုအပ်ချက်များကို တက်ကြွစွာ တုံ့ပြန်ခြင်းပင် ဖြစ်ပြီး မြန်မာနိုင်ငံတွင် ကိုဗစ်-၁၉ ရောဂါ ကူးစက်နှုန်း၊ ပြင်းထန်သောရောဂါ ဖြစ်ပွားနှုန်းနှင့် သေဆုံးမှုနှုန်း လျှော့ချနိုင်ရန် အကူအညီပေးကာ တရုတ်-မြန်မာ အေးအတူပူအမျှအသိုက်အဝန်း တည်ဆောက်ရေးအတွက် တက်ကြွသည့်အခန်းကဏ္ဍမှ ပါဝင်လျက်ရှိကြောင်း သိရသည်။

မြသုခ

Original works by shin@PaukPhaw Network: http://www.paukphaw.org/2023/06/12/%e1%80%90%e1%80%9b%e1%80%af%e1%80%90%e1%80%ba%e1%80%94%e1%80%ad%e1%80%af%e1%80%84%e1%80%ba%e1%80%84%e1%80%b6%e1%80%a1%e1%80%85%e1%80%ad%e1%80%af%e1%80%b8%e1%80%9b%e1%80%99%e1%80%be-%e1%80%95%e1%80%b6/