လန်ချန်း-မဲခေါင်နိုင်ငံများအကြား နယ်စပ်ဖြတ်ကျော်ခရီးသွားလုပ်ငန်း ပူးပေါင်းဆောင်ရွက်မှုဆိုင်ရာ အဆင့်မြင့်အလုပ်ရုံဆွေးနွေးပွဲ ကျင်းပ
တရုတ်ပြည်သူ့သမ္မတနိုင်ငံ ချုံချင့်မြို့၊ မြန်မာကောင်စစ်ဝန်ချုပ်ရုံးနှင့် ချုံချင့်မြူနီစီပယ်အစိုးရ ယဉ်ကျေးမှုနှင့်ခရီးသွားလာရေး ကော်မရှင်တို့ ပူးပေါင်း၍ လန်ချန်း-မဲခေါင်နိုင်ငံများအကြား နယ်စပ်ဖြတ်ကျော်ခရီးသွားလုပ်ငန်း ပူးပေါင်းဆောင်ရွက်မှုဆိုင်ရာ အဆင့်မြင့်အလုပ်ရုံဆွေးနွေးပွဲကို ဩဂုတ်လ ၂၈ ရက်နေ့က ကျင်းပကြောင်း သိရသည်။
အဆိုပါဆွေးနွေးပွဲသို့ ချုံချင့်မြူနီစီပယ်အစိုးရ ယဉ်ကျေးမှုနှင့်ခရီးသွားလာရေး ကော်မရှင်မှ တာဝန်ရှိပုဂ္ဂိုလ်များ၊ မဲခေါင်နိုင်ငံများဖြစ်သည့် မြန်မာနိုင်ငံ၊ လာအိုနိုင်ငံနှင့် ဗီယက်နမ်နိုင်ငံတို့မှ သင်တန်းသားများ၊ ချုံချင့်မြို့ရှိ စီးပွားရေးအဖွဲ့အစည်းများမှ ကိုယ်စားလှယ်များ တက်ရောက်ခဲ့ကြောင်း သိရသည်။
ဆွေးနွေးပွဲတွင် ချုံချင့်မြို့၊ မြန်မာကောင်စစ်ဝန်ချုပ်ရုံး ယာယီတာဝန်ခံ ဒေါ်နီတာမြင့်က အမှာစကား ပြောကြားခဲ့ကြောင်း သိရသည်။
မြသုခ
Original works by shin@PaukPhaw Network: http://www.paukphaw.org/2023/08/31/%e1%80%9c%e1%80%94%e1%80%ba%e1%80%81%e1%80%bb%e1%80%94%e1%80%ba%e1%80%b8-%e1%80%99%e1%80%b2%e1%80%81%e1%80%b1%e1%80%ab%e1%80%84%e1%80%ba%e1%80%b8%e1%80%81%e1%80%9b%e1%80%ae%e1%80%b8%e1%80%9e%e1%80%bd/