မော်လမြိုင်၌ နေအိမ် ၄ လုံး မီးလောင်မှုဖြစ်ပွားပြီး လူနှစ်ဦး သေဆုံးခဲ့

မတ်လ ၁ ရက်နေ့ မွန်းလွဲပိုင်းက မွန်ပြည်နယ်၊ မော်လမြိုင်မြို့၊ အေးသာယာရပ်ကွက်၌ နေအိမ် ၄ လုံး မီးလောင်ကျွမ်းမှု ဖြစ်ပွားခဲ့ပြီး အဖိုးအိုတစ်ဦးနှင့် မြေးဖြစ်သူ ကလေးငယ်တစ်ဦးတို့ သေဆုံးခဲ့ကြောင်း သိရသည်။

အေးသာယာရပ်ကွက်၊ ဘဲကုန်ဈေးအနောက်ဘက်ရှိ နေအိမ်တစ်လုံးမှ မတ်လ ၁ ရက်၊ မွန်းလွဲ ၂ နာရီခွဲဝန်းကျင်တွင် မီးစလောင်ကျွမ်းခဲ့ခြင်းဖြစ်ပြီး ပျဉ်ထောင်အိမ် ၄ လုံး မီးကူးစက် လောင်ကျွမ်းခဲ့ခြင်းဖြစ်ပြီး အဆိုပါမီးလောင်မှုဖြစ်စဉ်အတွင်း မီးစတင်လောင်ကျွမ်းသည့်အိမ်မှ လေဖြတ်နေသည့် အဖိုးအိုတစ်ဦးနှင့် မြေးဖြစ်သူတို့ သေဆုံးသွားခဲ့သည်ဟု လူမှုကူညီရေးအသင်း၏ တာဝန်ရှိသူတစ်ဦး၏ ပြောကြားချက်အရသိရသည်။

ကိုကျားကြီး
ဓာတ်ပုံ – ရာမညအ‌ရေးပေါ်လူမှုကယ်ဆယ်ရေးအသင်း။

Original works by shin@PaukPhaw Network: http://www.paukphaw.org/2023/03/03/14867/