ပြည်သူ့စာကြည့်တိုက်များအတွက် ကွန်ပျူတာနှင့် ပရင်တာများလှူဒါန်း

မြန်မာ-တရုတ်ပူးပေါင်းဆက်ဆံရေးဗဟိုအသင်းနှင့် China Foundation for Peace and Development တို့မှ ပြည်သူ့စာကြည့်တိုက်များအတွက် ကွန်ပျူတာနှင့် ပရင်တာများလှူဒါန်း

မြန်မာ-တရုတ်ပူးပေါင်းဆက်ဆံရေးဗဟိုအသင်းနှင့် China Foundation for Peace and Development တို့ပူးပေါင်း၍ ပြန်ကြားရေးဝန်ကြီးဌာန၊ ပြည့်သူ့စာကြည့်တိုက်များသို့ ကွန်ပျူတာ နှင့် ပရင်တာ (၃၅)စုံ လှူဒါန်းခြင်း အခမ်းအနားကို ဧပြီလ (၁၈)ရက်နေ့က လူထုအခြေပြုဗဟိုဌာန (ဗဟန်း)တွင် ကျင်းပပြုလုပ်ကြောင်း သိရသည်။

အခမ်းအနားသို့ ပြန်ကြားရေးဝန်ကြီးဌာန ပြည်ထောင်စုဝန်ကြီး ဦးမောင်မောင်အုန်း နှင့်တာဝန်ရှိသူများ ၊ တိုင်းဒေသကြီးဝန်ကြီးချုပ် ဦးစိုးသိန်း၊ မြန်မာ-တရုတ် ချစ်ကြည်ရေးအသင်း(ဗဟို)မှ အတွင်းရေးမှူးအဖွဲ့ဝင် ဦးစံလွင်နှင့်အဖွဲ့ နှင့် ဖိတ်ကြားထားသူများ တက်ရောက်ခဲ့ကြသည်။

အခမ်းအနားတွင် မြန်မာ-တရုတ် ပူးပေါင်းဆက်ဆံရေးဗဟိုအသင်း ဥက္ကဋ္ဌနှင့် အလှူရှင်များမှ ကွန်ပျူတာနှင့် ပရင်တာ (၃၅)စုံအား လှူဒါန်းပေးခဲ့ရာ ပြည်ထောင်စုဝန်ကြီးမှ လက်ခံရယူပြီး ဂုဏ်ပြုမှတ်တမ်း ပြန်လည် ပေးအပ်ခဲ့ကြောင်း သိရသည်။

မြသုခ

Original works by PaukPhaw@PaukPhaw Network: http://www.paukphaw.org/2022/04/25/a8131ba140/